Cheʼ bʌ mi lac tojʼesʌntel woliʼ pʌsbeñonla cʼuxbiya Jehová

Jiñi tojʼesʌntel yom i yʌl cheʼ mi laj cʌntesʌntel, cheʼ mi lac tijqʼuel yicʼot cheʼ chuqui mi lac melbentel tiʼ caj an chuqui tsaʼ lac mele. Jehová miʼ tojʼesañonla chaʼan mi lac chʼujutesan cheʼ bajcheʼ yom (Ro. 12:1; He. 12:10, 11). An i tajol cʼuxʌch mi la cubin cheʼ bʌ mi lac tojʼesʌntel. Pero mi mucʼʌch lac jacʼ lac tojʼesʌntel, mi caj lac pʌs chaʼan jiñʌch jiñi toj bʌ i Dios mi caj i yʌqʼueñonla bendición (Pr. 10:7, TNM).

¿Chuqui yom cʼajalob i chaʼan jiñi muʼ bʌ i chaʼleñob tojʼesaya? Jiñi ancianojob, jiñi tatʌlob yicʼot jiñi yambʌlob miʼ chaʼleñob wersa chaʼan miʼ chaʼleñob tojʼesaya yicʼot cʼuxbiya cheʼ bajcheʼ miʼ mel Jehová (Jer. 46:28). Cheʼto jaʼel, ñaxan yom miʼ qʼuelob bajcheʼ cʼamel i wocolel jiñi tsaʼ bʌ ujti chaʼan miʼ mejlel i yʌcʼob jumpʼejl tsʌts tojʼesʌntel, pero yicʼotob i cʼuxbiya yom miʼ melob (Tit. 1:13).

¿Chuqui yom cʼajalob i chaʼan jiñi muʼ bʌ i chʼʌmob tojʼesʌntel? Mach yʌlʌyic baqui bʌ jiñi tojʼesʌntel tsaʼ aqʼuentiyet, yom maʼ jacʼ jiñi a tojʼesʌntel i yom maʼ mel ti ora cheʼ bajcheʼ tsaʼ tijqʼuiyet (Pr. 3:11, 12). Come luʼ xmulilonla, i cʼʌjñibalʌch lac chaʼan cheʼ bʌ mi lac tojʼesʌntel. Miʼ mejlel lac tojʼesʌntel cheʼ bʌ woli lac pejcan jiñi Biblia o cheʼ bʌ mi lac ñʌchʼtan jiñi tempa bʌ tac. I an i tajol wersa yom miʼ tojʼesañonla jiñi comité chaʼan meloñel. Mi mucʼʌch lac jacʼ jiñi lac tojʼesʌntel yicʼot mi laj qʼuextan chuqui mi lac mel mi caj lac taj jiñi laj cuxtʌlel maʼañic bʌ i jilibal (Pr. 10:17).

CHEʼ BɅ TSAʼIX LAʼ QʼUELE JIÑI VIDEO JEHOVÁ MIʼ TICʼ JIÑI MUʼ BɅ I CʼUXBIN, JACʼɅ ILI CʼAJTIYA TAC:

• 

  ¿Bajcheʼ yilal tsaʼ coli Canon, i chuqui tsiʼ chaʼle ti wiʼil?

• 

  ¿Bajcheʼ tsaʼ tojʼesʌnti ti Jehová?

• 

  ¿Chuqui miʼ cʌntesañonla jiñi tsaʼ bʌ ujti tiʼ tojlel Canon?