Jiñi tojʼesʌntel miʼ pʌsbeñonla i cʼuxbiya Jehová

12:5-7, 11

Jiñi tojʼesʌntel yom i yʌl jajtsʼel, ticʼol yicʼot cʌntesʌntel. Jehová miʼ ticʼonla cheʼ bajcheʼ miʼ ticʼ i yalobil juntiquil tatʌl am bʌ i cʼuxbiya. ¿Baqui mi lac taj jiñi ticʼojel?

• Jiñʌch cheʼ mi lac pejcan jiñi Biblia, cheʼ mi lac bajñel chajpan lac bʌ, cheʼ mi lac majlel ti tempa bʌ yicʼot cheʼ mi lac wen ñaʼtan chuqui mi lac pejcan.

• Jiñʌch cheʼ miʼ yʌqʼueñonla ticʼojel yambʌ hermanojob.

• Cheʼ mi lac ñusʌben i wocolel chuqui mach bʌ weñic tsaʼ lac mele.

• Cheʼ mi lac chaʼlentel ti censurar o ti expulsar.

• Cheʼ mi lac ñusan tsʌts bʌ wocol o ticʼlʌntel muʼ bʌ i yʌcʼ ti ujtel Jehová (w15 1/9 26 párr. 13; it-1-S 707, párr. 3).