I MELBAL JIÑI XÑOPTʼAN
«Yom tijicñayetla yicʼot jiñi am bʌ laʼ chaʼan»
Mi mach wen añic lac taqʼuin, tajol jiñi muʼ bʌ lac mel miʼ mejlel i ñajtʼesañonla ti Jehová. Jumpʼejl ejemplo, tajol mi lac subentel jumpʼejl eʼtel baqui wen mi caj lac tojtʌl i utsʼatʌch yubil, pero miʼ mejlel i mʌctañonla chaʼan mi lac melben i yeʼtel Jehová. Mi cheʼ mi la cujtel, miʼ mejlel i coltañonla muʼ bʌ i yʌl Hebreos 13:5.
«Mach laʼ cʼuxbin taqʼuin»
Cheʼ bʌ tsaʼix a mele oración, cʼajtiben a bʌ: ¿Bajcheʼ yilal mij qʼuel jiñi taqʼuin? Ñaʼtan chuqui woli a pʌsben a walobilob (g-S 9/15 6).
«Yom tijicñayetla yicʼot jiñi am bʌ laʼ chaʼan»
Ñaʼtan chuquiyes jiñi i cʼʌjñibalʌch bʌ a chaʼan (w16.07 9 párr. 1, 2).
«Maʼañic baʼ ora mi caj j cʌyet i maʼañic baʼ ora mi caj j cʌy j coltañet»
Ñopo chaʼan Jehová mi caj i coltañet a taj i cʼʌjñibal bʌ a chaʼan mi ñaxañʌch maʼ wʌcʼ i Yumʌntel (w14-S 15/4 21 párr. 17).
CHEʼ BɅ TSAʼIX LAʼ QʼUELE JIÑI VIDEO JIÑI LA QUERMAÑUJOB AÑOB I ÑɅCHʼTɅLEL ANQUESE AN WOCOL TAC TIʼ CAJ TAQʼUIN, JACʼɅLA ILI CʼAJTIYA:
¿Chuqui maʼ cʌn tiʼ tojlel Miguel Novoa?