Jiñi xucʼul bʌ ti Jehová miʼ tsʼʌctesan i tʼan

Pejcan Jueces 11:​30-40 i qʼuele bajcheʼ tiʼ tsʼʌctesayob i tʼan Jefté yicʼot jiñi i yixicʼal, i chuqui miʼ mejlel laj cʌn joñonla.

Ñumen cʌñʌ jiñi relato. ¿Bajcheʼ yilal miʼ qʼuelob jiñi israelitajob cheʼ bʌ miʼ yʌcʼob i tʼan ti Jehová? (Nm. 30:2). ¿Bajcheʼ tsiʼ pʌsʌ Jefté yicʼot i yixicʼal chaʼan mucʼʌch i ñopob ti Jehová? (Jue. 11:​9-11, 19-24, 36).

Ñumen chaʼlen ti investigar. ¿Chuqui ti tʼan tsiʼ yʌcʼʌ Jefté tiʼ tojlel Jehová, i chuqui jiñi yom bʌ i yʌl? (w16.04 5 párr. 12). ¿Chuqui yom miʼ mel Jefté yicʼot i yixicʼal chaʼan miʼ tsʼʌctesañob jiñi i tʼan? (w16.04 6, 7 párr. 14-16). ¿Baqui tac bʌ lac tʼan muʼ bʌ laj cʌcʼ ili ora ñuc bʌ i cʼʌjñibal? (w17.04 6-9 párr. 10-19).

Ñaʼtan chuqui miʼ mejlel a cʌn. Cʼajtiben a bʌ:

• ¿Chuqui miʼ mejlel i coltañon chaʼan mic tsʼʌctesan jiñi c tʼan tsaʼ bʌ cʌqʼue Jehová cheʼ bʌ tsaʼ c chʼʌmʌ jaʼ? (w20.03 13 párr. 20).

• ¿Chuqui tac miʼ mejlel j cʌy chaʼan mic ñumen melben i yeʼtel Jehová?

• ¿Chuqui miʼ mejlel i coltañon chaʼan mic bej tsʼʌctesan jiñi c tʼan tsaʼ bʌ j cʌcʼʌ cheʼ bʌ tsaʼ ñujpuñiyon? (Mat. 19:​5, 6; Efes. 5:​28-33).