Locʼsʌben i wenlel jiñi referencias marginales

Ti jiñi Traducción del Nuevo Mundo ti español, miʼ chʼʌm tilel referencias marginales. ¿Chuqui jiñi? Jiñʌch jiñi alʌ letra tac muʼ bʌ i tilel ti jumpʼejl versículo. Ili refrencia tac miʼ coltañonla chaʼan mi lac ñumen chʼʌmben i sujm jumpʼejl texto. Miʼ pʌs chaʼan pejtelel tsʼijbubil bʌ yaʼ ti Biblia miʼ laja taj i bʌ. Mi woli a cʼʌn jiñi Biblia am bʌ ti jun miʼ mejlel a taj jiñi alʌ letra tac yaʼ tiʼ yojlil. Mi jin maʼ cʼʌn jiñi am bʌ ti página jw.org o ti jiñi aplicación JW Library^® cojach yom maʼ petsʼ jiñi alʌ letra chaʼan miʼ jambeñet jiñi referencia.

¿Chuqui ti información miʼ mejlel a taj ti jiñi referencia tac?

An muʼ bʌ i choconla majlel ti yambʌ parte yaʼ ti Biblia muʼ bʌ i taj ti tʼan lajal bʌ chuqui tsaʼ ujti. Jumpʼejl ejemplo, ti 2 Samuel 24:1 miʼ tilel jumpʼejl referencia muʼ bʌ i pʌyonla majlel ti 1 Crónicas 21:1.

An muʼ bʌ i pʌs baqui loqʼuem jumpʼejl texto. Jumpʼejl ejemplo, yaʼ ti Mateo 4:4 an jumpʼejl referencia muʼ bʌ i choconla majlel ti Deuteronomio 8:3.

An muʼ bʌ i pʌsbeñonla bajcheʼ tsaʼ tsʼʌctiyi jumpʼejl profecía. Jumpʼejl ejemplo, qʼuele Zacarías 9:9 yicʼot Mateo 21:5.