Mi tsaʼ c teche estudio yicʼot i testigojob Jehová, ¿yom ba mic sujtel ti Testigo jeʼel?

Maʼañic, mach xicʼbiletic chaʼan maʼ sujtel. An yonlel quixtañujob muʼ bʌ cʌqʼuen lon estudio chucul bʌ ti Biblia, i maʼañic miʼ sujtelob ti Testigo.a Com bʌ lojon jiñʌch chaʼan maʼ cʌn jiñi muʼ bʌ i cʌntesañonla jiñi Biblia. Jatet jach a wujil chuqui miʼ cajel a mel cheʼʌch bajcheʼ woli a cʌn majlel yaʼ ti Biblia, come jujuntiquil an ti lac wenta mi lac yajcan jiñi lac ñopbal (Josué 24:15).

¿Muʼ ba i mejlel j cʼʌn jiñi c Biblia cheʼ bʌ woli cʌqʼuentel jiñi estudio?

Muʼcu. Joñon lojon mic mulan lon j cʼʌn jiñi Traducción del Nuevo Mundo de las Santas Escrituras. Mi a wom miʼ mejlel cʌqʼueñet lon jumpʼejl, mach tojbilic. Pero mucʼʌch a mejlel a cʼʌn a Biblia mi jin maʼ mulan. Lʌcʼʌ tiʼ pejtelel jiñi Biblia miʼ mejlel a cʌn baqui bʌ jiñi pijtaya yicʼot bajcheʼ miʼ mejlel a taj a cuxtʌlel.

¿Chucoch mi laʼ wʌqʼuen estudio jiñi mach bʌ añic miʼ sujtelob tiʼ testigo Jehová?

• Junchajp ñuc bʌ i cʼʌjñibal jiñʌch cheʼ mij cʼuxbin lojon Jehová, i yom chaʼan mij cʌntesan lojon jiñi quixtañujob chaʼan jiñi cʌmbil bʌ c chaʼan lojon yaʼ ti Biblia (Mateo 22:37, 38; 28:19, 20). Wen ñuc mi lon j qʼuel cheʼ «xʼeʼtelon lojon yicʼot Dios» i cheʼ mij coltan lon jiñi quixtañujob chaʼan miʼ cʌñob muʼ bʌ i pʌs jiñi Biblia (1 Corintios 3:6-9).

• Yambʌ i sujmlel jiñʌch cheʼ mij cʼuxbin lojon jiñi quixtañujob (Mateo 22:39). Mic mulan lojon c suben yambʌlob jiñi wen utsʼatax bʌ cʌmbil tac lon c chaʼan ti Biblia (Hechos 20:35).