¿Chuqui miʼ cʌntesañonla chaʼan jini tsaʼ bʌ ujti ti Butʼjaʼ?

Dios tsiʼ jisa jini jontoloʼ bʌ, pero tsiʼ colta Noé yicʼot i chaʼañoʼ bʌ (Génesis 7:11, 12, 23)

Chaʼcʼal (40) qʼuin yicʼot chaʼcʼal (40) acʼʌlel tsiʼ chaʼle tsʌts bʌ jaʼal, jini Pañimil tsaʼ pajmi ti jaʼ. Jini jontoloʼ bʌ winicob xʼixicob tsaʼ chʌmiyob.

Jini ángelob mach bʌ tsiʼ jacʼbeyob i tʼan Dios, tsiʼ cʌyʌyob i cʼʌñob i bʌcʼtal bajcheʼ winic, cheʼ jini tsaʼ sujtiyob ti xiba.

Jini tsaʼ bʌ ochiyob ti arca maʼanic tsaʼ chʌmiyob. Anquese ti wiʼil, Noé yicʼot i familia tsaʼʌch wiʼil chʌmiyob, pero Dios mi caj i chaʼ tejchesañob chʼojyel chaʼan miʼ chumtʌlob ti pejtelel ora.

Dios mi caj i chaʼ jisan jini jontoloʼ bʌ i miʼ caj i coltan jini mach bʌ jontolobic (Mateo 24:37-39)

Satanás yicʼot i xibajob woli i chʌn lotiñob majlel winicob xʼixicob.

Wʌle jini winicob xʼixicob maʼanic miʼ jacʼbeñob i tʼan Dios, cheʼ bajcheʼ tiʼ yorajlel Noé. Jioba mach jalix mi caj i jisan ti pejtelel jini jontoloʼ bʌ (2 Pedro 2:5, 6).

Jini i testigojob Jioba lajaloʼ bajcheʼ Noé: miʼ ñichʼtañob Dios yicʼot miʼ jacʼbeñob i tʼan.