Ti oñiyi ¿majqui jini Jesús?

Jioba tsiʼ choco tilel Jesús wʌʼ ti Pañimil (1 Juan 4:9)

Cheʼ com lac tijicñesʌben i pusicʼal Jioba, yom mi lac jacʼben i tʼan jini yambʌ, wen am bʌ i ñuclel. Cheʼ maxto i mele Jioba jini Adán, tsiʼ ñaxan mele juntiquil espíritu wen pʼʌtʌl bʌ yaʼ ti panchan.

Ti wiʼil, Jioba tsiʼ choco tilel jini ángel wen pʼʌtʌl bʌ ti Pañimil, chaʼan mi yilan pañimil yaʼ ti Belén ti juntiquil xchʼoc maxto bʌ piʼlebilic, i cʼabaʼ María. Tsaʼ bʌ otsʌbenti i cʼabaʼ ti Jesús (Juan 6:38).

Ila ti Pañimil Jesús tsiʼ pʌsʌ wen bʌ i melbal i Tat. Wen uts tsiʼ mele i bʌ, tsiʼ pʌsʌ i cʼuxbiya yicʼot miʼ wen mejlel lac pejcan. Yicʼot jaʼel, tsiʼ chaʼle cʌntesa tiʼ chʼejlel chaʼan bajcheʼ yilal Jioba ti isujm.

Cabʌl winicob xʼixicob tsiʼ tsʼaʼleyob jini Jesús, anquese tsiʼ mele chuqui wen (1 Pedro 2:21-24)

Jini yumʌloʼ bʌ ti ñopbalʌl, tsiʼ tsʼaʼleyob Jesús come ti subu ti jamʌl chaʼan mach i sujmlelic jini woli bʌ i subob yicʼot chaʼan wen jontolob jaʼel.

Jesús tsiʼ cʼoqʼuesa xcʼamʌjelob yicʼot tsiʼ teche chʼojyel chʌmeñoʼ bʌ.

Jini yumʌloʼ bʌ ti ñopbalʌl jiñʌch tsaʼ bʌ i xiqʼuiyob jini soldadojob chʼoyoloʼ bʌ ti Roma, chaʼan mi yʌlob mach bʌ isujmic tiʼ tojlel Jesús chaʼan miʼ jatsʼob, yicʼot miʼ tsʌnsañob.