Cʼʌñʌ ti wen jiñi texto tac

Mateo 22:41-45

YOM BɅ MIʼ CɅJÑEL: Cheʼ bʌ mi caj a pejcan jumpʼejl texto, wʌn chajpʌben i pensar jiñi woli bʌ i ñʌchʼtañetob.

¿BAJCHEʼ MI LAC MEL?

• Ñaʼtan chucoch mi caj a pejcan jiñi texto. Cheʼ bʌ muʼto caj a pejcan jumpʼejl texto, alʌ chaʼpʼejl uxpʼejl tʼan muʼ bʌ i coltan jiñi yʌquel bʌ i ñʌchʼtañet chaʼan miʼ ñaʼtan chuqui a wom a wʌcʼ ti cʌñol.

• Cʼʌñʌ jiñi Biblia bajcheʼ jiñi am bʌ i pʼʌtʌlel. Cheʼ bʌ woli a pejcañob muʼ bʌ i ñopob Dios, pʌsʌ chaʼan jiñi Biblia jiñʌch I Tʼan Dios. Cheʼ bajcheʼ jiñi, mi caj a pʌs chaʼan jiñi woli bʌ a wʌl i ñaʼtʌbalʌch Dios.

• Aqʼueñob i mulan jiñi texto. Mele jumpʼejl cʼajtiya muʼ bʌ i jajqʼuel yaʼ ti texto, alʌ jumpʼejl wocol muʼ bʌ i pʌs jiñi texto bajcheʼ yom miʼ tojʼesʌntel, o jumpʼejl principio muʼ bʌ caj i ñumen chʼʌmbentel isujm ti jiñi texto.