¿Bajcheʼ miʼ cʼʌjñel jiñi libro Muʼ bʌ i cʌntesañonla jiñi Biblia ti lenguaje sencillo?

Jiñi libro What Can the Bible Teach Us? lʌcʼʌ lajal bajcheʼ jiñi libro Muʼ bʌ i cʌntesañonla jiñi Biblia i mi caj i chaʼlentel ti traducir ti yambʌ tʼan tac. Tiʼ chaʼpʼejlel ili libro lajal bajcheʼ miʼ tsictesan jiñi i sujmlel. Ili tsijiʼ bʌ libro mach wocolic miʼ tsictesan jiñi cʌntesʌntel tac. Tsaʼ mejli chaʼan miʼ chʼʌmbeñob isujm jiñi wocol bʌ miʼ yubiñob jiñi libro Muʼ bʌ i cʌntesañonla jiñi Biblia. Tiʼ yujtibal miʼ chʼʌm tilel nota tac. Maʼañic miʼ tilel cʼajtiya tac tiʼ tejchibal jiñi cʌntesʌntel, mi jiñic recuadro chaʼan repaso mi jiñic to jiñi apéndice. Tiʼ yujtibal jiñi cʌntesʌntel, miʼ pam tsictesan i sujmlel loqʼuem bʌ ti Biblia tsaʼ bʌ qʼuejli ti jiñi párrafo tac. Lajal bajcheʼ jiñi libro Muʼ bʌ i cʌntesañonla jiñi Biblia, miʼ mejlel la cʌcʼ ti baqui jach bʌ ora, anquese mach jiñic woliʼ yʌjqʼuel ti jiñi bʌ uw. ¿Bajcheʼ miʼ mejlel laj cʼʌn ili libro ti pʌs estudio?

RESUMEN. Miʼ bej mejlel lac pʌs jiñi estudio cheʼ bajcheʼ ñʌmʌl lac mel, mi lac pejcan jiñi párrafo yicʼot mi lac mel jiñi cʼajtiya. Pero ¿ixcu mi mach tiʼ tʼañic choncol i yʌqʼuentel estudio jiñi quixtañu o mach wen yujilic i pejcʌntel jun? Jiñi xsubtʼan miʼ mejlel i cʼʌn jiñi libro Muʼ bʌ i cʌntesañonla jiñi Biblia ti lenguaje sencillo. Miʼ mejlel i cʼʌn jiñi resumen chaʼan miʼ pʌs jiñi estudio, i tajol miʼ mejlel i suben jiñi woli bʌ i pʌsben estudio chaʼan miʼ bajñel pejcan jiñi párrafo tac am bʌ ti jiñi cʌntesʌntel. Cheʼ jach bʌ 15 minuto miʼ mejlel ti jalʼan chaʼan miʼ tsictesʌntel jumpʼejl i sujmlel am bʌ ti Biblia. Jiñi resumen maʼañic chuqui miʼ wen chʼʌm tilel. Ili yom i yʌl chaʼan yom miʼ wen chajpan i bʌ jiñi xsubtʼan chaʼan miʼ chʼʌmben isujm jiñi cʌntesʌntel yicʼot chaʼan miʼ mejlel i coltan jiñi woli bʌ i cʌntesan. Mi jiñi xsubtʼan mucʼʌch i cʼʌn ti pʌs estudio jiñi párrafo tac, miʼ mejlel i cʼʌn jiñi resumen chaʼan jiñi repaso.

NOTA. Jiñi nota cheʼʌch tsolocña miʼ tilel cheʼ bajcheʼ an jiñi cʌntesʌntel tac. Jiñi xsubtʼan mi caj i ñaʼtan mi mucʼʌch caj i qʼuel jiñi nota cheʼ bʌ woli to ti pʌs estudio.