I MELBAL JIÑI XÑOPTʼAN
Xcolelob, subenla laʼ tat laʼ ñaʼ chuqui muʼ bʌ laʼ ñaʼtan
¿Chucoch yomʌch maʼ suben a tatob chuqui muʼ bʌ a ñaʼtan? (Pr. 23:26). Come tsaʼ aqʼuentiyob ti Jehová jiñi eʼtel chaʼan miʼ cʌntañetob yicʼot miʼ cʌntesañetob majlel ti a cuxtʌlel (Sal. 127:3, 4). Mi maʼañic maʼ subeñob chuqui muʼ bʌ a cʼojoʼtan yicʼot chuqui a wom bʌ, wocol mi caj i yubiñob chaʼan miʼ coltañetob. I cheʼ jaʼel, maʼañic miʼ cajel a cʌn chuqui am bʌ i cʌñʌyob tilel tiʼ cuxtʌlelob. Pero ¿yom ba i yʌl chaʼan mi caj a laj subeñob tiʼ pejtelel? Maʼañic, yomʌch bʌ maʼ subeñob jiñʌch yom bʌ miʼ ñaʼtañob (Pr. 3:32).
¿Bajcheʼ miʼ mejlel a chaʼlen tʼan a wicʼotob? Sʌclʌben wem bʌ i yorajlel chaʼan mi laʼ comol mejlel ti tʼan. Maʼ mejlel jaʼel a tsʼijbuben jumpʼejl carta tajol a tat o a ñaʼ baqui maʼ suben bajcheʼ yubil maʼ wubin. Pero ¿ixcu mi yomobʌch tʼan yicʼotetob i jatet mach a womic? Cʼajtesan chaʼan yom i coltañetob. Jiñi a tatob a wamigojobʌch, mach a contrajobic. Cheʼ mucʼʌch a wen chaʼlen tʼan yicʼotob mi caj i coltañet ili ora yicʼot tiʼ talto bʌ qʼuin (Pr. 4:10-12).
CHEʼ BɅ TSAʼIX LAʼ QʼUELE JIÑI VIDEO CHEʼ BɅ XCOLELETTO: ¿BAJCHEʼ MIʼ MEJLEL A CHAʼLEN TʼAN A WICʼOT A TATOB?, JACʼɅ ILI CʼAJTIYA TAC:
¿Chuqui maʼan bʌ miʼ mel Esther yicʼot Partik?
¿Chuqui miʼ mejlel a cʌn tiʼ tojlel Jesús?
¿Bajcheʼ an i pʌsbeyet jiñi a tatob chaʼan mucʼʌch i cʼuxbiñetob?
Jiñi a tatob yomob chaʼan wen maʼ wajñel tiʼ pejtelel ora.
¿Baqui bʌ principio tac miʼ mejlel i coltañet chaʼan maʼ chaʼlen tʼan a wicʼot a tatob?