Mach a ñaʼtan chaʼan maʼañic a cʼʌjñibal

¿CHUCOCH ÑUC I CʼɅJÑIBAL?

• Qʼuelbilix chaʼan jiñi lac piʼʌlob muʼ bʌ i ñaʼtañob chaʼan maʼañobic i cʼʌjñibal miʼ mejlel i tajob ansiedad, depresión, tajol miʼ cʌyob i cʼuxob i waj o ñumeñix ti pʼis bajcheʼ miʼ cʼuxob. Cheʼ jaʼel, miʼ mejlel i wen japob lembal, miʼ cʼʌñob droga o mach weñic bajcheʼ miʼ cʼʌñob jiñi tsac tac muʼ bʌ i yʌqʼuentelob.

• Jiñi yujil bʌ chaʼan añʌch i cʼʌjñibal maʼañic miʼ laj i bʌ yicʼot yañoʼ bʌ, jin chaʼan maʼañic miʼ tajeʼ wocol yicʼot yañoʼ bʌ i an i yamigojob. Pero jiñi muʼ bʌ i ñaʼtan chaʼan maʼañic i cʼʌjñibal miʼ ñumen mulan i yʌl chuqui mach bʌ weñic tiʼ tojlel yañoʼ bʌ, i jiñi miʼ mejlel i yʌcʼ chaʼan miʼ ñajtʼesan i bʌ tiʼ tojlel i yamigojob.

• Jiñi yujiloʼ bʌ chaʼan añobʌch i cʼʌjñibal wen jach miʼ ñusañob majlel jiñi wocol tac i maʼañic miʼ yʌcʼob chaʼan an chuqui miʼ mʌctañob cheʼ an chuqui yomob i mel. Pero jiñi mach bʌ añic i cʼʌjñibal miʼ yubiñob i bʌ maʼañic i lʌjtʼel i chaʼañob jiñi wocol tac i maʼañic miʼ ñaʼtañob chuqui yom miʼ melob.

MUʼ BɅ MEJLEL A MEL

Sʌclan wem bʌ a wamigojob. Otsan ti a wamigojob jiñi muʼ bʌ i qʼuelob ti ñuc yañoʼ bʌ, jiñi muʼ bʌ i sʌclañob a wenlel yicʼot muʼ bʌ i coltañetob chaʼan maʼ mel chuqui wen.

Coltan yañoʼ bʌ. Mi maʼ pʌs a wutslel i wen chuqui maʼ mel tiʼ tojlel yañoʼ bʌ, mi caj a wubin a tijicñʌyel i añʌch a cʼʌjñibal mi caj a wubin a bʌ. Mach yʌlʌyic mi maʼañic majqui miʼ qʼuel ti ñuc jiñi tsaʼ bʌ a mele.

Coltan a walobilob chaʼan miʼ qʼuelob chaʼan añobʌch i cʼʌjñibal. Junchajp bajcheʼ miʼ mejlel a mel jin cheʼ maʼ cʌy chaʼan miʼ bajñel tojʼesañob jiñi i wocol tac baʼ jaxʌl miʼ mejlelob. Jiñi mi caj i coltañob i ñaʼtan chuqui yom miʼ mejlel cheʼ miʼ tajob jumpʼejl wocol. Cheʼ jaʼel, mi caj qʼuelob chaʼan añobʌch i cʼʌjñibal i jiñi mi caj i coltañob cheʼ bʌ ñucobix.

MUʼ BɅ LON C MEL JIÑI I TESTIGOJONBɅLON JEHOVÁ

Jiñi estudio loqʼuem bʌ ti Biblia yicʼot jiñi lon c tempa bʌ tac miʼ coltan lac piʼʌlob chaʼan miʼ weñʼesañob i cuxtʌlel i cheʼ bajcheʼ jiñi miʼ qʼuelob chaʼan añobʌch i cʼʌjñibal.

JIÑI LON C TEMPA BɅ TAC

Ti jujumpʼejl semana mi lon c ñʌchʼtan cʌntesʌntel loqʼuem bʌ ti Biblia. Miʼ yʌjqʼuel ticʼojel tac muʼ bʌ i coltañon lon j qʼuel chaʼan ti lac pejtelel ñuc laj cʼʌjñibal. Majqui jach miʼ mejlel ti majlel yaʼ ti lon c tempa bʌ i mach tojbilic. Yaʼi mi caj a cʌn. . .

• chucoch Dios miʼ qʼuelet ti ñuc.

• baqui bʌ i sujmlel laj cuxtʌlel.

• bajcheʼ miʼ mejlel lac taj wem bʌ la camigojob.

Cheʼ jaʼel, mi caj a taj i sujm bʌ a wamigojob muʼ bʌ caj i chʼʌmetob ti ñuc (1 Corintios 12:​25, 26).

Chaʼan maʼ ñaʼtan bajcheʼ yilal jiñi lon c tempa bʌ, ochen ti jw.org i qʼuele jiñi video ¿Chuqui miʼ mejlel yaʼ tiʼ yotlel tempa bʌ?

JIÑI ESTUDIO LOQʼUEM BɅ TI BIBLIA

Mi cʌcʼ lon estudio loqʼuem bʌ ti Biblia yicʼot jiñi libro Ubin a tijicñʌyel. Ti ili libro an cʼajtiya tac muʼ bʌ i coltañonla lac ñumen chʼʌmben i sujm muʼ bʌ i yʌl jiñi Biblia yicʼot bajcheʼ miʼ coltañonla ti laj cuxtʌlel. Cheʼ jaʼel, miʼ chʼʌm tilel cabʌl video yicʼot utsʼatax bʌ dibujo tac. Jiñi estudio muʼ bʌ cʌcʼ lojon miʼ coltan lac piʼʌlob chaʼan tijicña miʼ yajñelob come miʼ qʼuelob chaʼan ñucobʌch i cʼʌjñibal.

Mi a wom a ñaʼtan bajcheʼ miʼ mejlel i coltañet cheʼ maʼ chʼʌm jiñi estudio yicʼot jiñi i testigojob Jehová, ochen ti jw.org i qʼuele jiñi video ¿Chucoch yom mi lac pejcan jiñi Biblia?