¿Yéba mi dápiaru Bíblia?

BÍBLIA YÓPE AIVƗ

‘Kaiye iye Hɨ̃menihikɨi dápiaiyede toivare đarehakemavɨ’ (2 Timoteo 3:16).

AIPETA KAÐATEIDI IYEDE KOREÓVAI BARU

Earãharamu maha pɨeno hẽniari hã́iye méne hãve aiyede (2 Timoteo 2:7).

Kɨvarãharamu hãravɨ koapa mearo kɨre đainore (Mateo 7:12).

Kɨvarãharamu mearo dakiyede korede đaiyede (Romanos 15:4).

¿AIPE TENI HÃVEMA ARĨ MAHIDI MAHA BÍBLIAI KƗEDE?

Iye bohe:

• Kainɨmɨa noreka mahikaivɨ. 1600 paiɨhɨa bahu toivakemavɨ Bíbliare 40 paivɨ bahu. Ne bahu koreóvabevɨvakari ɨbeinta Bíblia kainɨmɨa noreka mahikaivɨ aru kũinárora téma yávaivɨ.

• Toivaipõeva hãvene yavebevɨva yávaiye. Havekede koyɨipõeva ne kɨrõkavɨ bíhaiyede ñamene koyɨbema. Bíbliare toivaipõevakapũravɨ yavebevɨva ne ãmeina teiyede aru ne kɨrõkavɨ teiye bákede máre koyɨiđama (2 Crónicas 36:15, 16; Salmo 51:1-4).

• Have mika nui toivarĩ epeiye báke kainɨmɨara hãve teivɨ. 200 paiɨhɨa hipokarata Bíblia havekarõ ĩmaro Babilónia ãmikɨrõre harɨvaino makiyébu aru ñame bahu nui kɨbenama kari arĩ epekemavɨ (Isaías 13:17-22). Harɨvaino makiyébu arĩ máre epede tekemavɨ nore hipokateyɨ bákɨ ãmiáre máre toivarĩ epekemavɨ (Isaías 45:1-3).

  Ape ɨre Bíbliai toivaye báke koapa hãve tekemavɨ. Nópeta haɨvɨ Hɨ̃menihɨkɨi ɨ̃i dápiayede yávaitukubo, ¿mɨ́karĩ? (2 Pedro 1:21).