Jesús gwalulesad aggale geb e burgwed sega

Ángel Gabriel barmilesa yaagwa nued nugadse María. Ángel we bunagwag sogsa, goe massigwa niggunoniggoye, geb wee reyg negdagmai guoye na sadegu. E massigwa Jesús, gwalulesa molimar neg yaba, geb abar oveja aggwemaladi aase ese addaggabmala. Sorbali, niisgwa dulemar Dad naggwe dorgan idusa, we goe massi maidse. Anmar durdaggoe doa we niisgwa nasisa, we dulemar dagmalaga, geb igi Jesús sabgulesa mer e iblobi gusmaladse iblolegega.

Sorbali, anmar daggoe Jesús 12 años niggadgi, Babdummadse goled negyag emar odurdagmaladbo sunmagsii gusa. Sorba, 18 años nasadgi Jesús bautizar imasa, geb babigargi emarga sunmaggali geb emar odurdaggali Reino igargi, ar we ibmar imaggeg Nabbanegse Babdummad barmiar soggua. We arbaedgi e bendagmalaga, Jesús dulemar 12 mergu egwasa geb na e apóstolmarga imasa.

Jesús, buggidar ibmar dagledisulid imasbali. Anba ua geb madu isse nigga inigwale, miliba dulemar mergu masgi ogudsa gusa. Boni nigmalad nudasbali geb burgwarmaladse baggar odulosa. Nabbidgi, ibmar buggidar anmar durdaggoe Jesús gusadsig, e burgwed iba owarmasgua, geb igi oburgwilesa. Jesús, babigargi sunmagdii gusa birga baa abala, degsoggu, PARTE 6 gine sunmagnai bela we ibmar gusadgi, 34 años gwena nanasad gine.