¡Niamar, dulemar oburgwemaladid!
Satanas isganad, niamar bamalad isganamarmogad, sabe sabe dulemar imaggedsurmalad. Ebbenne Satanas, Job molimar oburgwisad; dulemar Jobga arbamalad oburgwisbalid. Uggine, Nia, “burwa dummad” ogodsabalid Job mimmigan buggwad neg omalugega, weyob Nia Job mimmigan oburgwisad. Sorba, “Nia sagla Satanas, Jobga boni dummad yaabiid ugnoni[balid]. Job, bela e nag dugguse, degine, nonose baggale, boni yaabiid niggunoniggid” (Job 1:7-19; 2:7).
Jesus ibagangi niamar geg sunmagge dulemar imagdidii gusmalad, ibya sadde dulemar imasdamarbalid (Mateo 9:32, 33; 12:22). Ebbenne dule wargwen niamarse dummad waladagdii gusad, aaga na duggin aggwagi san sigge sigge imagdii gusad (Marcos 5:5). Massigwa baid niamarse waladasmogad, binnasur gordidaed, omuggulesale, bule binna ‘wawanmagmai’ gusdae (Lucas 9:42).
Ebbenne niamar abar dulemargi bonigan nasisdaed, abar dulemar nabbag wawanmagmai imasdamarbalid
Satanas gusgu emar oburgwedguad, niamar bamalad na gusgu degi damarmoguad. Nabbanegse barmellearmalad aggale bur bule ibmar isgana imaggedgi alamagnanaid. Aaga neg dirbimaggar iddolleardaed niamar bela belad dulemar wiodidimarye, abar dulemarga boni ugsadaye. Abar dulemar, niamarse geg gabe mai gusdamalad, abar niamar imagdabalid dulemar gabdaggalir sunnasur gabdagged. Niamar, dulemar abgangi dodononidabalid, abar dulemar ese nono isgusdamarbalid, abar emar oburgwedga ese gusdamarbalid, sulirdi na duggin oburgwisdamalad.
Emi ibagi niamar imagged dulemar sabsur emar imagmalaga, geb imagmarbalid dulemar muddiggidba gabgin gwayemai gumarbaliga
Lintina, Surinamgined degi gusad, soged, nia, 16 mergu e ibe gwenagan oburgwisye. Sogbalid, 18 años ede dummad niase waladagdi gusbarye, geb e ibe nono oissosbarye. Nias waladasadba soged, “niamar yeer iddodamarye binsasun sabsur dulemar imagnanair”.
Satanas sabsur Jehova sordagan imaggalile, Jehovadi nabir na sordagan bendagged (Proverbios 18:10).