¿Igi anmar Bab Dummad isdar oiddossulile?

Mer ibmar isgana imagdii guo (1 Corintios 6:9, 10)

Anmar nue Jehová sabele, Jehová ibmar isdar dagged anmar imaggo sulid.

Jehová abe sulid, anmar ibmar addursadii guedi, mungudii guedi, geb sigali mummugan ebudii guedi.

Jehová isdar dagged emar oburgwed, goe yoo gwaluleged osuloged, omegiidga na san saed, geb dule sabsur emar saed, geb emarbo urwed.

Mimmi nussumar anmargi naggulegega imagged nued sulid, geb nerganse nanaed igar nued surbalid.

Nabbaneg yeer dagle gunoniggile, dulemar ibmar isgana imagmalad gege aa gine gudigumalad.

Ibmar nuegan imagdii nanao (Mateo 7:12)

Mer Bab Dummad isdar oiddogegala, anmar Bab Dummad yobi damogar gebed.

Anmar dulemar sabgudii nanaed abeleged. Melle ibmar nallegubalo.

Mer emar yardagdii nanao.

Merbar ibmar gannargannar obardii guo.

Dulemarga Jehovági geb e igarmar mamaidgi sunmagdii guo (Isaías 43:10).