Egiptog onolesmalad aggar Israelgi gebe rey megnoniggidse

Moisés, Israel dulemar Egipto gine onosgu Sinaí yarse sesa, aa gine Babdummad wemarga e igarmar ugsa. Sorba Moisés 12 mergu dulemar barmisa Canaán neggwebur arganaega. Auggine 10 mergu ibmar nued Moisés gala sognonisurmala. Egiptos gannar dulemar nabi iddo imasmala. E bengusmaladba, Babdummad imassunna Israel dulemar 40 años yarmar uggubbii bibbirmagnaidba gudigumalaga.

Degiidgi, Josué Canaán neggweburse Israel dulemar odogeg sulesa. Nabir we neggwebur sumaladga Jehová ibmar dagledisurmalad imasa. Jordán diwar odingusa, Jericógi muro maid earisa geb ibagwen dummad Dad ganai oiboali imasbali. Birga nergwa nasadgi, Canaán dorgan annig e neggwebur sulenoniggi.

Geb 356 años nasadgi, Israelgi juezmar emar idumai gusmala, geb Josué gebe emarga juezga megisadi. Bamalad juezmar dina, Barac, Gedeón, Jefté, Sansón geb Samuel; wemarsig anmar durdagbaloe. Anmar anba omegansig absobaloe, Rahab, Débora, Jael, Rut, Noemí geb Dalila siggi. Parte TRES gine sunmagnai, 396 años nanasad gine ibmarmar gusadgi.