Gales selesmalad aggale Jerusalén muralla nudaglesadse

Israel dorgan gales Babiloniag gudigusmargua, galagwensur wilubdagledii gusmala, bule Bab sogeba nanadii gumalodibeye. Sadrac, Mesac geb Abednego, egwallesmala madu yoed dummad siid yabali, soo diobbisulidgi, auggi anba dula Babdummad gannar wemar onosa. Beedsegi, Babilonia, medomarse geb persamarse galaggusad sorbali, Daniel egwallesmoga leónmar buggwad neg yabali, geb Babdummad we dule bendasmoga, leónmar gagga maggagwale buggwa imasadgi.

Nabbi Ciro, Persia rey, Israel dorgan onononiggi. Geb Israel dorgan gannar na e neggweburse nadmala, igi iduale soglesa, 70 años Babiloniag galesii gusmalad sorba. Jerusalénse gannar owarmasmargua ibmar soggwen imasmala, Jehovás goled neg siidi gannar sobdemala. Auggine sanar gussuli e isdarmaladi ei arbaed ganonimala. Degsoggu, 22 años gussaar Jerusalén sega nonimalad aggale, Jehová sega goled neg ogunonimarsunna.

Sorbali, anmar durdagbaloe Esdras gannar Jerusalénse nade gusadsig, Jehová sega goled neg siidi yeerdagle imaggega. We ibmar gusa, Jehová sega goled neg siid soblesad sorbali, 47 años nasad gine. Degiidgi, 13 años gusa Esdras, Jerusalén sega nade gusad sorbali, Nehemías emar bendasmoga, Jerusalén muro ayarisadi gannar nudaggega. Parte CINCO gine sunmagnai bela we ibmarmar gusadgi, 152 años nanasadgi.