Biblia ibmar soged gusdae

Biblia unnila sunmagnasuli ebbenne ibmar nabbira gusmaladginbii, anba sunmagnabali yoogidse ibmar guoedgi. Dulemar geg soge ibu yoogidse guoe. Aag anmar wisi Biblia Babdummadgi daniggi. ¿Ibu ibmar yoogidse guoedgi Biblia sunmagnai?

Babdummad urwed dummad onogoedgi sunmagnai. We urwedgi, Babdummad bela Nabbaneggi ibmar isgana niggad obelogoe, anba dulemar ibmar isgana imagmalad obelobaloe, auggine dulemar ega arbamalad dina, Babdummad na bendaggoe. Babdummadi, Jesucristo reyg onugsasa. Wee imaggoe bela Babdummadga arbamalad negboogwadgi gudigumaladi, geb yeeriddodii gumaladi; bar uelegosurmala geb bar burgosurmarbali.

Babdummad Nabbaneg gannar neg yeerdagle imaggoedba, ¿anmar yeeriddosuli? Auggine ibmar soggwen anmar imagger gebed we neg yeerdaglegedgi anmar gudigubiele. We gardag nabbi sunmagnaidgi anmar durdaggoe ibu anmar saer gebe, ibmar nuegan Babdummad ega arbamaladga imaggoed niggumogagala. Aagala be PARTE 8 absoge, wisguega, ibu Biblia soge yoogidse guoye.