Nabbaneg gannar yeerdagle guoe

BE DAGGE sabbi dummagana, duddu yeerdaglemaladi geb yar dummagan. Yeerdagle nanasursi ¿nabiri? Be dagge, moli massi bibbi argangi mas manaid. Leónmar be dagbali geb molimar gunanaidi. ¿Wegi neg daglegedgi be gudisabie?

Babdummad abege be sadegu Nabbaneg gine gudisaedi, neg yeerdagleged gine, aa gindina emisgwa dulemar ibmar nunmagged iddoged, bar iddollegosuli. We ibmar guoye Biblia soge gannar neg yeerdagle guoedgi gudisamaloedga. ‘Babdummad emarbo gudiguoe. Bar nigguosuli burgwed, boed geb ibmar nunmagged. Ibmar iduar gusmalad bad nasmala’.

Jesús we ibmar nuegan guoed imaggoe. ¿Be wisi sanawa guoe? Eye, bela Nabbaneg isgunaid nudasad sorbali geb bela dule isganagan obelosad sorba. Ebinsao, Jesús Nabbaneggi gudigusgua bela dule uelemalad onudasad, geb anba gannar abar dulemar burgwismalad odulosbalid. Weyob oyosa Babdummad e reino Reyg gusar, we ibmarmar bela Nabbaneggi imaggoedi.

Nue be iddogena, ¡ibiyob nued guoe ­gannar neg yeerdagle guoedgi gudisaedi! Jesús abar e sordagan susa nibneggi eba negsemai gumarmogaga. Belagwable dulemar Nabbaneggi gudigumaloed ibmar abegedi, aamarga ugmai gumaloe geb imagmarbaloe bergwable dulemar yeeriddodii gudigumaladi. Anmar daggoena ibu anmar imagger gebe Babdummad anmarga gannar neg yeerdagle imaggoedgi sadegu gudiguedgala.