LECCION 55
Igi be nabir congregacion yaggi gwenagan bendasmogale
Millonba mergu dulemar, anmar congregacionmar bugmaladgi Jehovaga arbadidiid. Aagine Bab igar durdagged yeer iddodamalad. Degsoggu, congregacion yaggi ibmar imaglealile, guaggwa damarmogad gwenagan bendaggega. ¿Be deyob iddodamoga?
1. ¿Igi be nabir congregacion yaggi gwenagan bendasmogale?
Nabir be, congregacion yaggi gwenagan bendasmogaled. Sergangardibe, boni nigmaladgardibe, nabir be soged, an be sunoniggoye, igar iddoged negse naega. Sulirdina, e negse nabir be ega ibmar imagnadbaliled; eg ibmar bagnaed abegele, nabir be ega ibmar bagnadbaliled (Santiago 1:27 absogo). Igar iddoged neggi neg durwied abelealile, neg nudaggeddibe, nabir be gwenagan bendasbaliled. We ibmar imaggegala gwenagan anmargi nai guosulid, Jehova sogedba igar imagbiedbali, geb gwenagan bendagbiedbali, anmar na wargwengi sogoed: “Ani be an barmide, ani an naoe” (Isaías 6:8).
Anmar sordagan bad bautizar garmaladdi nabir ibmar bamalad imagmarbalid. Massergana, Biblia sogedba igar imaggele, nabir gwenagan idudimalad bendaggedgi arbamalad, sorba nabir gwenagan idugedgi arbasmarbaliled. Igar mayedgindi bela nabir arbaedbimalad, massergandibe, omegandibe. Abar anmar gwenagan igar iddoged neg sobedgi arbamarbalid. Abar baid neggweburse naddamarbalid, aagine anmar sordagan bugmalad bendaggega.
2. ¿Ibu ibmar bamalad nabir congregacion yaggi be imasbalile?
Bibliagi soglenaid: ‘Be ibmar niggad Bab Jehovaga be ugge’ (Proverbios 3:9). Aagala, anmar yeer iddodaed, manidibe, ibu ibmar anmar nigdibe, anmar sordagan bendaggega ebuged, Bab igargi sunmaggega ebubalid (2 Corintios 9:7 absogo). Mani uglesdaedi, neg dargwen gusar gwenagan bendaggega ebulesdaed. Aagala, abar anmar sordagan na iduaggwa ‘mani sabosdamalad’, igar iddoged negse nader mani egwanmogaga (1 Corintios 16:2 absogo). Igar iddoged neggi ulugwamar buggwadgi nabir be mani egwanmogad, sulirdina, donate.jw.org bali be barmidodibe. Jehova abeged, anmar ibmar niggadi, anmar wis egala ugmogad.
NUEGGWA WE IBMAR DURDAGMARGOLO
Wegine be durdaggoed, ibu be nabir imasmogale congregacion yaggi gwenagan bendaggega.
3. Nabir be mani ugsamogaled
Jehova, dulemar yeer iddogedgi ibmar ugmalad yeer dagdaed, Jesus amba yeer aa dulemar dagdamogad. Ebbenne muuggwa wilesaggwasar gudiid mani ugsagu, Jesus yeer we muuggwa dagsad. Lucas 21:1, 4 se absomalo, we ibmargi sunmagmarbalo:
Jehova yeer anmar daggegala, ¿anmar mani dummad ugger gebdibe?
Jehova, Jesusbogwa, ¿igi iddodamala anmar yeer iddogedgi ibmar ugdaer?
Be wisgubiele, mani uglemaid igi ebulesdae, VIDEO dagmalo. Sorba we ibmargi sunmagmarbalo:
¿Mani uglemaid igi ebulesdae, nabir bela anmar sordagan bendaggega?
4. Nabir be gwenagan bendasmogaled
Ebbenne Jehova sordagan, unnila manibi ugsasurdamalad, igar iddoged neg nudaggedgi arbasdamarbalid. 2 Crónicas 34:9, 11 se absomalo, we ibmargi sunmagmarbalo:
¿Bela israelitamar ibu imasmaladbii, “Jehovase goled neg” nudaggega?
Be wisgubiele, anmar emi ibagi deyob ibmar imagmodibe, VIDEO dagmalo. Sorba we ibmargi sunmagmarbalo:
¿Ibigala igar iddoged negmar nueggwa aggweleged abelege?
¿Ibu be nabir imasmogale?
5. Massergandi congregacion yaggi nabir ibmar baid imaggedgi arbamarbalid
Bibliagi masserganga soglenaid, alamagmaloye nueggwa Jehovaga ibmar imagmalaga, nabir congregacion yaggi gwenagan bendagmalaga. Be wisgubiele, aagala gwenad wargwen ibu imasa, VIDEO dagmalo. Sorba we ibmargi sunmagmarbalo:
¿Ibu Ryan imasa, nabir bur nueggwa Jehovaga arbaega, congregacion yaggi nabir gwenagan bendagbaliga?
Bibliag soglenaid, dule, gwenagan idugedga gubiele, gwenagan bendaggedgardibe, igi daer gebe. 1 Timoteo 3:1, 13 se absomalo, we ibmargi sunmagmarbalo:
Dule, gwenagan idugedga gubiele, idudimalad bendaggedgardibe, ¿igi daed abelege?
E gwenagan, ¿igi daed abelemarmoga? (Versiculo 4, 11 bo dagmalo).
Bela massergan alamaggedbimalale, weg ibmar soglenaidba igar imaggega, congregacion yaggi, ¿igi ibmar gudoe?
ABAR SOGDAMALAD: “¿Jehovagi sunmagmalad bia mani daggardamala ibmar imaggega?”.
Dule deyob beg soggalir, ¿igi be ega sogsale?
WE IGARGI SUNMAGLESAD
Jehova yeer iddodaed, anmar, congregacion yaggi gwenagan bendagdamogar, wis anmar mani ugdabalir, ibmar bamaladdibe.
Ibu be durdasa
¿Igi be nabir congregacion yaggi gwenagan bendasmogale?
¿Ibu ibmar bamalad nabir congregacion yaggi be imasbalile?
¿Ibu be imagbimoga, gwenagan bendaggega?
NABIR BE WE IBMAR DURDASBALILED
Wegine be durdaggoed, ibigala Bab Dummad bar e sordaganga sogmasuli, diezmo ugmaloye.
“¿Igi Bibliagi soglenai, diezmo ugged amba abeledibe?” (We garda jw.org gi nosad)
Wegine soglenaid, Pablo ibu sogbi gusa, 1 Timoteo 3:1 gi.
Wegine be daggoed, ibu abar anmar sordagan imasdamala, nabir gardamar e sordagan bamaladse oarmaggega.
Wegine soglenaid, ibigala anmardi bamalad iglesiamaryob na sordagangi mani wesuli.
“¿Jehova sordagan bia mani daggardamala?” (We garda jw.org gi nosad)