Турӑ — вӑл чи лайӑх тус

Туррӑн тусӗ пулни — вӑл сана мӗн суннисенчен чи лайӑххи. Турӑ сана мӗнле телейлӗ пулмаллипе канӑҫсӑрлӑхсӑр пурӑнмаллине вӗрентӗ. Вӑл сана суя ӗненӳсемпе сиенлӗ ӗҫсенчен ирӗк парӗ. Вӑл санӑн кӗллӳсене итлӗ. Вӑл сана ӑшри канӑҫлӑхпа шанчӑклӑх парӗ (Псалом 70:5; 72:28). Турӑ сана йывӑр вӑхӑтра пулӑшу парӗ (Псалом 17:19). Ҫавӑн пекех Турӑ сана ӗмӗрлӗх пурнӑҫ илме сӗнет (Рим 6:23).

Турӑпа ҫывӑхланнӑҫемӗн эсӗ Туррӑн тусӗсемпе ҫывӑхланатӑн. Вӗсем те санӑн тусусем пулӗҫ. Вӗсем саншӑн тӑвансем пекех пулса тӑрӗҫ. Вӗсем сана савӑнсах Турӑ ҫинчен вӗрентӗҫ, пулӑшса ҫирӗплетӗҫ сана.

Эпир Турӑпа пӗр тан мар. Турӑпа туслӑх шыранӑ чухне санӑн пӗр тӗп чӑнлӑха ӑнланмалла. Турӑпа туслӑ пулни — вӑл пӗртанлисен туслӑхӗ мар. Вӑл пирӗнтен самаях аслӑрах, ӑслӑрах тата пирӗнтен чылай вӑйлӑрах. Вӑл чӑннипе пирӗн Пуҫлӑх. Ҫавӑнпа та эпир унӑн тусӗсем пуласшӑн пулсан, пирӗн ӑна итлемелле тата вӑл пире мӗн каланине тумалла. Ҫакӑ вара пире яланах ырӑлӑх парӗ (Исаия 48:18).