Вӑраха ямасӑр ырӑ хыпар пӗлтерсе ҫӳре!
1. Павел каланӑ мӗнле сӑмахсене паян пирӗн уйрӑмах тимлемелле?
1 Павел апостол «Турӑ сӑмахне каласа кӑтарт... ҫавӑн ҫинче тӑр [«вӑраха ямасӑр ту», ҪТ]» тесе чӗнсе каланӑ (2 Тим. 4:2). Ҫак чӗнсе каланине пирӗн вӑхӑтра тытса пыни мӗншӗн питӗ кирлӗ? Ҫак сӑмахсем пирӗн пурнӑҫ ҫине тата ытти ҫынсен пурнӑҫӗ ҫине мӗнле витӗм кӳрӗҫ?
2. Мӗншӗн эпир ырӑ хыпара илтмен ҫынсене тӑрӑшсах шыратпӑр?
2 Ҫыннӑн пурнӑҫӗ пирки сӑмах пырать. Пӗтӗм тӗнчипе миллионшар ҫын вӗсен пурнӑҫне ҫӑлма пултаракан ырӑ хыпара халӗ те илтмен (Рим 10:13—15; 1 Тим. 4:16). Час-часах ырӑ хыпар сарса ҫӳрекен территорисенче те чӑнлӑха пӗлес текен ҫынсем нумай. Ҫавӑнпа та участока тӗрлӗ кунра е тӗрлӗ вӑхӑтра кайсан эпир вӗсене тӗл пулма пултаратпӑр. Ҫакӑн пек ҫынсене эпир тӑрӑшса шыратпӑр пулсан пирӗн таса совесть пулать тата эпир юн тӑкнӑшӑн айӑплӑ пулмастпӑр (Апост. ӗҫ. 20:26).
3. Ырӑ хыпар пӗлтерсе ҫӳренӗ чухне мӗнле майпа кашни минута хаклама пултаратпӑр?
3 Пӗрремӗш ӗмӗрти христиансем вӗсене хаяррӑн хӗсӗрленӗ пулсан та «хӑйсем вӗрентнине пӗтӗм Иерусалиме сарнӑ» (Апост. ӗҫ. 5:28). Эпир те ырӑ хыпара тӗплӗн пӗлтерсе ҫӳреме ҫирӗп шут тытнӑ (Апост. ӗҫ. 10:42). Ырӑ хыпар сарнӑ чухне кашни минута хаклатпӑр-и? Кампа пӗрле ырӑ хыпар сарма кайнӑ ҫав хыпарҫӑ пӗрремӗш хут килсен чӑнлӑхпа интересленнӗ ҫынпа калаҫнӑ хушӑра мӗншӗн-ха пирӗн иртсе пыракан ҫынсемпе калаҫас мар?
4. Вӑраха ямасӑр ырӑ хыпар сарса ҫӳрени мӗншӗн пире сыхӑ тӑма пулӑшать?
4 Тата вӑйлӑрах сыхӑ тӑрӑр. Ҫак усал тӗнче пӗтесси питӗ ҫывӑх, ҫавӑнпа та пирӗн ҫакна асра тытса сыхӑ тӑмалла (1 Фес. 5:1—6). Турӑ Патшалӑхӗн шанчӑкӗ ҫинчен яланах каласа ҫӳретпӗр пулсан, ҫак тӗнче ӗҫӗсем пире пусарса лартаймаҫҫӗ (Лука 21:34—36). Унтан та ытла, Иеговӑн кунӗ ҫинчен яланах асра тытатпӑр пулсан эпир ҫынсене ҫӑлакан ырӑ хыпара пӗлтерес ӗҫе тата хастартарах хутшӑнӑпӑр (2 Пет. 3:11, 12).
5. Пурнӑҫа хисеплени пире сӑваплӑ ӗҫ ҫине мӗнле пӑхма пулӑшать?
5 Вӑраха ямасӑр ырӑ хыпар пӗлтерсе тӑратпӑр пулсан пурнӑҫ ҫине эпир Иегова пек пӑхатпӑр, мӗншӗн тесен вӑл «никам та ан пӗттӗр, пурте ӳкӗнччӗр» тет вӗт (2 Пет. 3:9; Иез. 33:11). Айтӑр, хамӑрӑн участоксенче тата ытларах ҫынсене ырӑ хыпар пӗлтерер, ҫапла вара Иеговӑна мухтава кӑларар! (Пс. 108:30).