Ыйтусен рамки

◼ Хӗрарӑм хыпарҫӑн арҫын хыпарҫӑ юнашар пулнӑ чухне алӑк умӗнче Библи вӗренӗвӗ ирттернӗ вӑхӑтра пуҫне тӑхӑнмалла-и?

Хӗрарӑм хыпарҫӑ Библи вӗренӗвне палӑртса хунӑ вӑхӑтра тӑтӑшах ирттерет пулсан тата юнашар арҫын тӑван пур пулсан, унӑн хӑйӗн пуҫне тӑхӑнмалла (1 Кор. 11:3—10). 2002 ҫулхи июлӗн 15-мӗшӗнчи «Хурал башнинче», 27-мӗш страницӑра, ӑнлантарса панӑ: «Ку вӑл малтанах палӑртса хунӑ вӗрентӳ, ҫавӑнпа та вӗренӗве ирттерекен ҫак лару-тӑрура ертсе пыракан пулса тӑрать. Ҫапла майпа, Библи вӗренӗвӗ пухӑвӑн мероприятийӗ пулса тӑрать. Шыва кӗнӗ хӗрарӑм тӑван ҫавӑн пек вӗренӗве шыва кӗнӗ арҫын тӑван умӗнче ирттерет пулсан, унӑн пуҫне тӑхӑнмалла». Хӗрарӑм тӑван ырӑ хыпара шыва кӗмен арҫын тӑванпа сарать пулсан, ҫав принциппах усӑ курмалла. Вӗренӗве килте, алӑк умӗнче е мӗнле те пулин урӑх вырӑнта ирттернӗ чухне те ҫакна шута илмелле.

Тепӗр енчен пӑхсан, алӑк умӗнче калаҫни Библи вӗренӗвӗ мар пулсан тата хӗрарӑм тӑванӑн тӗллевӗ Библи вӗренӗвӗ мӗнле иртнине кӑтартасси е вӗренмелли пӗр-пӗр пособири материала сӳтсе явасси пулсан та, унӑн арҫын хыпарҫӑ умӗнче пуҫне тӑхӑнмалла мар. Ҫын патне тепӗр хут килни ытларах чухне майӗпен Библи вӗренӗвне куҫнӑран хыпарҫӑсен хӑш вӑхӑтран пуҫласа пуҫне тӑхӑнмалли пирки шухӑшланӑ чухне лару-тӑрӑва шута илмелле тата ӑслӑ-тӑнлӑ пулмалла.