УЙӐХ ТЕМИ: «ТУРӐ СӐМАХНЕ НИХӐҪАН ТА НИХӐШ ВӐХӐТРА ТА ВӖРЕНТМЕ АН ЧАРӐН» (2 ТИМ. 4:2).
1914 ҫул ҫине эпир мӗнле пӑхнине ӑнлантаратпӑр
Библи пире хамӑр мӗне ӗненнине «ӑшшӑн, йӑвашшӑн каласа пама» хатӗр пулма хавхалантарать (1 Петр 3:15). Анчах та пире, тен, тарӑн чӑнлӑхсене, сӑмахран, Турӑ Патшалӑхӗ 1914 ҫулта ертсе пыма пуҫлани ҫинчен калакан чӑнлӑха, ӑнлантарса пама ҫӑмӑлах мар. Ҫакна ӑнлантарса пама пулӑшас тесе пире валли «Разговор на библейскую тему. Когда Царство Бога начало править?» ятлӑ икӗ статья тухнӑ. Ҫак статьясене октябрь, ноябрь уйӑхӗсенче сӗнмелли брошюрӑсенче тупма пулать. Вӗсене тӗпченӗ чухне статьяра асӑннӑ хыпарҫӑ, Кирилл, усӑ курнӑ меслет ҫине тимлеттерекен ыйтусем ҫинчен шухӑшласа пӑх.
Кирилл мӗнле майпа...
...пӗрле калаҫакана, калаҫӑва тепӗр чухне малалла тӑсма никӗс хывас тесе, мухтаса илнӗ? (Ап. ӗҫ. 17:22.)
...хӑй мӗне ӗненнине каласа панӑ чухне йӑваш пулнине кӑтартнӑ? (Ап. ӗҫ. 14:15.)
Мӗншӗн вӑл...
...пӗр шухӑшран тепри патне куҫас умӗн пӗтӗмлетӳ туни усӑллӑ?
...хӑш-пӗр чухне чарӑнусем туни тата итлекенрен вӑл пурне те ӑнланать-и тесе ыйтни усӑллӑ?
...пӗрремӗш хутӗнчех ытла нумай сӳтсе явма тӑрӑшманни усӑллӑ? (Иоанн 16:12.)
Библири тарӑн чӑнлӑхсене илтесшӗн антӑхакан ҫынсене ӑнлантарса пама пире Иегова, «Аслӑ Вӗрентекен», вӗрентсе тӑнӑшӑн эпир мӗн тери пархатарлӑ! (Ис. 30:20, ҪТ.)