Тараватлӑ пулса «ыррине» парӑр (Матф. 12:35а)

Эпир пурте, паллах ӗнтӗ, «хапӑл пулӑр» тесе чӗнсе каланине йышӑнса ыттисене те «ыррине» парасшӑн (Рим 12:13). Старейшинӑсем ҫакна тӑвас енчен тӗслӗх кӑтартаҫҫӗ, сӑмахран, вӗсем чӗннӗ докладчика хӑналассине тата ҫул ҫинчи тӑкакӗсене саплаштарассине йӗркелеҫҫӗ. Анчах та эпир, тен, хӑналама тӑхтаса тӑратпӑр, мӗншӗн тесен пирӗн укҫа-тенкӗ ҫителӗксӗр е эпир пирӗн киле кам та пулин килӗ тесе пӑшӑрханса тӑратпӑр. Эпир Иисус Марфӑна панӑ канаша тытса пырсан ҫак туйӑмсене ҫӗнтерме пултаратпӑр (Лука 10:39—42). Хӑналанӑ чухне чи лайӑххи вӑл тутлӑ та чаплӑ апат е килте хитре япаласем пулни мар, туслӑ хутшӑну тата пӗр-пӗрне хавхалантарни тесе палӑртнӑ. Ҫак канаша тимлесе эпир тӑвансемпе Туррӑн Сӑмахӗпе килӗшӳллӗ христиан тӑвансене «ыррине» пама пултаратпӑр (3 Иоанн 5—8).