Ырӑ хыпар сарас ӑсталӑха лайӑхлататпӑр. Брошюрӑсем илсе тӑракансен интересне мӗнле аталантармалла
Ҫакӑ мӗншӗн питӗ кирлӗ. Пирӗн брошюрӑсене хаваспах вулакансенчен нумайӑшӗ Библи вӗренесшӗн мар. Тен, вӗсене хӑйсен тӗнӗ килӗшет е вӗсем Библи вӗренме вӑхӑт ҫук тесе шутлаҫҫӗ. Анчах та пирӗн брошюрӑсене вуласа тӑнӑ май вӗсен Турӑ Сӑмахне пӗлес кӑмӑл ҫуралма пултарать (1 Петр 2:2). Тен, пӗр-пӗр статья вӗсен чӗрине пырса тивӗ е вӗсен лару-тӑрӑвӗ улшӑнӗ. Эпир вӗсемпе кашнинчех, кӗскен те пулин, калаҫатпӑр пулсан, вӗсем пире хӑнӑхаҫҫӗ тата эпир вӗсене мӗн интереслентернине, хумхантарнине пӗлӗпӗр. Вӑхӑт иртнӗҫемӗн, тен, эпир вӗсенчен кампа та пулин Библи вӗренме пуҫлӑпӑр.
Уйӑх тӑршшӗпе усӑ курмалли канаш:
Кама брошюрӑсем тӑтӑшах кӳрсе пама пулать, ҫавсен списокне ту. Вӗсене ҫав уйӑхри брошюрӑсене сӗн те ҫитес уйӑхри кӑларӑмсене хаваспах илсе килсе парасси ҫинчен пӗлтер.