ЫРӐ ХЫПАР САРМА ВӖРЕНЕТПӖР
Ырӑ хыпар сарас ӑсталӑха лайӑхлататпӑр. Брошюрӑна епле сӗнмеллине эсӗ хӑв мӗнле шутласа кӑларма пултаратӑн
ҪАКӐ МӖНШӖН ПИТӖ КИРЛӖ. Ӗҫ тетрадӗнче ҫырса панӑ сӗнмелли майсем публикацисене мӗнле сӗнмеллине кӗскен кӑтартса параҫҫӗ. Ҫавӑнпа вӗсене хамӑрӑн сӑмахсемпе каласа памалла. Тен, эсӗ ырӑ хыпар сарнӑ чух урӑх меслетпе усӑ курас тейӗн. Е урӑх тема ҫине, сан шутупа хӑвӑр вырӑнти ҫынсене интереслентерме пултаракан тема ҫине, тимлеттерме шут тытӑн. Ҫавӑн пек чухне брошюрӑна вуласа тухсан, сӗнмелли майсемпе паллашсан тата брошюрӑна мӗнле сӗнмелли пирки демонстрацисем е видеороликсем пӑхсан, аяларах илсе панӑ канашсемпе усӑ курса хӑвӑн сӗнмелли мая шухӑшласа кӑлар.
ҪАКНА МӖНЛЕ ТУМАЛЛА:
Хӑвӑнтан ыйт: «Сӗнмелли майсенчен пӗринпе усӑ курасшӑн-и эпӗ?»
ҪАПЛА
Калаҫӑва пуҫламалли сӑмахсем шухӑшласа кӑлар. Ҫынна сывлӑх суннӑ хыҫҫӑн хӑв мӗншӗн килнине кала. (Тӗслӗхрен, кала: «Эпӗ сирӗн пата... тесе килтӗм».)
Ыйту хыҫҫӑн сӑвӑ йӗрки ҫине, сӑвӑ йӗрки хыҫҫӑн публикаци ҫине мӗнле тимлеттересси пирки шухӑшла. (Тӗслӗхрен, сӑвӑ йӗркине вуласа парас умӗн ҫапла калама пулать: «Ҫак ыйтӑвӑн хуравӗ ҫакӑнта пур».)
ҪУК
Брошюрӑри пӗр-пӗр темӑна, хӑвна интереслентерекен тата хӑвӑр вырӑнти ҫынсене интереслентерме пултаракан темӑна, суйласа ил
Ҫынна шухӑшлама тата калаҫӑва хутшӑнма хавхалантарас тесе, ҫав хушӑрах ӑна аванмарлантарас мар тесе мӗнле ыйту парасси пирки шухӑшла. (Тӗслӗхрен, брошюрӑн 2-мӗш страницинчи ыйтусемпе усӑ кур.)
Хӑш сӑвӑ йӗркине вуласа парасси пирки шутла. (Эсӗ Библие япӑх пӗлекен тата, тен, тӗне шансах кайман ҫынсем валли кӑларнӑ брошюрӑна сӗнетӗн пулсан, сӑвӑ йӗркине вуласа пама кирлех мар.)
Статьяна вулани итлекене мӗнле усӑ парасси пирки пӗр-ик предложени кала
КИРЕК ЕПЛЕ ПУЛСАН ТА
Ҫын патне тепӗр хут килсен мӗнле ыйтӑва пӑхса тухмаллине шутласа кӑлар
Унпа тепрехинче мӗн ҫинчен калаҫас тенине манса каяс мар тесе ҫырса хур