Ырӑ хыпар сарас ӑсталӑха ӳстеретпӗр. Ырӑ хыпара телефонпа мӗнле пӗлтермелле?

МӖНШӖН ҪАКӐ ПИТӖ КИРЛӖ? Ырӑ хыпара тӗплӗн сармалли майсенчен пӗри вӑл — ӑна телефонпа пӗлтерессиa (Ап ӗҫ 20:24). Ҫакӑ хамӑр тӗл пулса калаҫма пултарайман ҫынсене Библири хыпара каласа пама май парать.

ҪАКНА МӖНЛЕ ТУМАЛЛА?

• 

  Хатӗрлен. Ҫынсене интереслентерекен темӑна суйласа ил. Унтан хӑв мӗн-мӗн каласшӑн пулнине кӗскен ҫырса хур. Хӑв мӗн ҫырса хунине те, ытти хатӗрсене те, тӗслӗхрен, электронлӑ хатӗре, ал айӗнче тыт. JW Library^® приложение е jw.org^® сайта маларах уҫса хур.

• 

  Хӑвна лӑпкӑ тыт. Яланхи пекех калаҫ. Йӑл кул тата пит-куҫпа, алпа вылят. Ҫынпа куҫа-куҫӑн мӗнле калаҫнӑ пулӑттӑн, ҫавӑн пекех калаҫ. Кирлӗ мар паузӑсем ан ту.

• 

  Тепрехинче мӗнле темӑна сӳтсе явасси пирки калаҫса татӑл. Ҫынна интереслӗ пулсан, ӑна тепрехинче телефонпа пӗр-пӗр ыйтӑва сӳтсе явма сӗн. Унсӑр пуҫне, эсӗ ӑна пӗр-пӗр публикаци сӗнме пултаратӑн. Ӑна электронлӑ е ахаль почтӑпа ярса пама пулать е хӑв кайса пама пултаратӑн. Тата пӗр-пӗр статьян е видеороликӑн ссылкине электронлӑ почтӑпа е мессенджер урлӑ ярса пама пулать. Май килсен пирӗн сайт ҫине тимлеттер.