Иегова Свидетелӗсем хӑйсен тӗнӗ ҫеҫ тӗрӗс тесе шутлаҫҫӗ-и?

Хӑйсен тӗн вӗрентӗвӗсене ҫирӗп тытса тӑракансен хӑйсен тӗнне Турӑпа Иисус Христос ырлани пирки иккӗленмелле мар. Унсӑрӑн, ҫак тӗне мӗншӗн тытса тӑмалла-ха?

Иисус Христос тӗнсем, е ҫулсем, пурте ҫӑлӑнӑҫ патне илсе пыраҫҫӗ тесе шутламан. Вӑл каланӑ: «Тӑвӑр хапхапа ансӑр ҫул чӗрӗлӗхе илсе каяҫҫӗ, вӗсене тупакан сахал» (Матфей 7:14). Иегова Свидетелӗсем хӑйсем ҫак ҫула тупнӑ тесе шутлаҫҫӗ. Ҫапла шутламан пулсан, вӗсем урӑх тӗне шыранӑ пулӗччӗҫ.