7-МӖШ УРОК

Тӗрӗс информаци кала

Лука 1:3

ТӖЛЛЕВ. Итлекенсене тӗрӗс пӗтӗмлетӳ тума пулӑшас тесе тӗрӗс информаци кала.

ҪАКНА МӖНЛЕ ТУМАЛЛА?

Шанӑҫа тивӗҫлӗ информаципе усӑ кур. Эсӗ мӗн калани Библипе килӗшсе тӑтӑр тата май килнӗ чухне унтанах вуласа пар. Наука фактне, пӗр-пӗр хыпара, пурнӑҫри тӗслӗхе е мӗне те пулин урӑххине илсе паратӑн пулсан, ҫак информаци тӗрӗс пулнипе пулманнине, кивелсе кайнипе кайманнине маларах тӗрӗсле.
Шухӑша ан пӑс. Сӑвӑ йӗркисене ӑнлантарса панӑ чухне контекстпа, Библин тӗп темипе тата «шанчӑклӑ та ӑслӑ чуран» публикацийӗсемпе килӗшӳллӗн ӑнлантарса пар (Матфей 24:45). Информацие тӗрлӗ литературӑран илсе паратӑн пулсан, авторӑн шухӑшне пӑсасран асӑрхан.

Фактсене ан пӑс, цифрӑсене ӳстерсе ан кала. «Хӑшӗ-пӗрисем» вырӑнне «ытларахӑшӗ», «хӑш-пӗр чухне» вырӑнне «яланах», «ҫакӑ пулман пулӗ» вырӑнне «ҫакӑ пулма пултарайман» тесе каласран асӑрхан.
Итлекенсене шухӑшлаттар. Библири сӑвӑ йӗркисене вуласа парсан е урӑх вырӑнтан шухӑшсене илсе парсан итлекенсене хӑйсене пӗтӗмлетӳ тума пулӑш. Ҫавна тума пулӑшас тесе вырӑнлӑ ыйтусем пар е тӗслӗх илсе пар.