Шыва кӗме илсе ҫитерекен ҫул ҫинче эсӗ ӑҫта ҫитнӗ?
ХРИСТИАНСЕН ПУРНӐҪӖ
Иеговӑшӑн ӗҫлеме шут тыт
Эсӗ шыва кӗмен хыпарҫӑ пулсан е эсӗ Библи вӗренетӗн пулсан, санӑн шыва кӗрес тӗллев пур-и? Мӗншӗн ҫакӑн пек тӗллев лартмалла? Турра хамӑр пурнӑҫа халалласа шыва кӗни унпа ҫывӑх хутшӑнусем аталантарма май парать (Пс 90:1). Унсӑр пуҫне, ҫак утӑм ҫӑлӑнӑҫ патне илсе пырать (1Пт 3:21). Пурнӑҫа Турра халалласа шыва кӗрес тесен мӗн тумалла?
Хӑв мӗне ӗненни чӑнлӑх пулнипе пулманнине тӗрӗсле. Ыйтусем сиксе тухсан, хуравӗсене тупас тесе тӗпче (Рм 12:2). Хӑвӑн мӗнле улшӑнусем тумаллине курсан, вӗсене тума тӑрӑш. Улшӑнусем тӑвасса та Иеговӑна савӑнтарас тесе ту (Ыт 27:11; Эф 4:23, 24). Яланах унран пулӑшу ыйт. Иегова хӑйӗн хӑватлӑ святой сывлӑшне парса хӑвна ҫирӗплетесси пирки ан иккӗлен (1Пт 5:10, 11). Эсӗ вӑй хуни кӑлӑхах пулмӗ. Иеговӑшӑн ӗҫлесси вӑл — чи лайӑх пурнӑҫ ҫулӗ! (Пс 15:11).
«ШЫВА КӖМЕ ИЛСЕ ҪИТЕРЕКЕН ҪУЛ» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:
Шыва кӗриччен хӑшӗ-пӗрисем мӗнле йывӑрлӑхсемпе тӗл пулнӑ?
Пурнӑҫа Иеговӑна халаллас тесен ӗненӗве мӗнле аталантармалла?
Хӑшӗ-пӗрисене шыва кӗме мӗн хавхалантарнӑ?
Иегова хӑйшӗн ӗҫлеме шут тытнисене мӗнле пиллет?
Хамӑр пурнӑҫа Иеговӑна халалласа шыва кӗни мӗне пӗлтерет?