˗Kɔ ˈˈpian 14 züdɔdhɛ

Kletiɛn ˗blɛɛsü ˗nu ˗wo nɔɔn˗ ˗së ˈö ˗gban ˗Zlan ˗bha ˗Gblüdëdhɛ ˗bha ˗a ˗pö ˈwo dho ˗a ˈka ˈˈsɛ ꞊gbɛɛn ꞊dede ˗nu ˈgü. Yesu ˗yö ˗dhɛ ˗nu ˈwo dho ˗zlanwopö ˗a ˗bha ˗an ˗zɔn ˗an ˗dhɛ, ˈö ꞊faan nu ˗an ˗dhɛ kö ˗wo mɛn ˗nu ꞊klaŋ kë ˗an ˗de ˗wo ˈgü. Zoova ˗yö ˗zogbandhe waa ˈgügbɩɩdhɛ ˗nu ˗an ˗dhɛ kö ˗wo ˈto ˗a ˈˈgbɩɩ˗ ˈka ˈˈklʋʋbhɔdhe ˗nu ˗ta.

Yesu ˗ya ˗kë ˈö bɔmɛn Zan ˗yö ˈˈɲɛɛn bho, ˈö ˗kpan Zoova ˗bha ˈtɔbhɔdhɛ ˗bha. ˈˈƝɛɛn ˈˈwɛɛ ˈbha ˈgü, Zan ˗yö ˗kpan ˗Zlan ˗bha ˗Gblüdëdhɛ ˈö dhaŋ˗ ˈgü ˗a ˗bha kö˗ ˗kɔ ˗yö ˗ʒiö ˗ni ˈgü Sɔtraan waa˗ ˗bha mɛnkɔɔnsü ˗an ˗gɔ. Zan ˗yö ˗kpan Yesu ˗bha kö ˗ya kë ˗Gblüdë ˈka, kö waa mɛn 144.000 ˗wo ˗gblüdëdhɛ kë ˗ni ˈgü wo ˈˈkwëë.