LESSON 16
ˈDhɛ ˈö Yesu nu ˈˈkpɔnŋ ꞊taa ˗mën ˗yö ˈö˗ ˗kë?
Mɛn ꞊vadhɛ ˗wo Yesu ˗yö ꞊dhɛ nëënˈˈ ˈˈpuu ɛɛnˈˈ ˗Zlan ˗wodhiʋ̈lomɛn ˗tiaandhö do ˈdhö. ˈˈKɛɛ ˗tosɛta ˈö˗ ˗kë ˈˈkpɔnŋ ꞊taa ˈkwa˗ ˗ga ˗së ˈka, ˗mën ˈˈwɛɛ ˈbhaa ˈö ˈkwa ꞊mɔɔn˗ ˗bha ˈkwa˗ dɔ ˈö ˗gban ˗a ˗bha. ˈWɔn ꞊bhlëësü ˈbhaa ˗nu ˈö Yesu ˗yö ˗an ˗kë waa ˗kɔ ˈö ˗gban ˗a ˈka kwa ˗bha, kwa ˗dho ˗an yö ˈwɔn ˗gɔ ˈö yö ˗a ˈgü.
1. Yö ˗mɛɛn ˈö- ˗wɔn ˗yö kun ˈˈgbɩɩ˗ Yesu ˗gɔ?
Yesu ˗bha yö ˗wɔngbɩɩsü ˈö kun ˗a kë ˗ni ˈgü ˈyö ˗tɔ «naɔ ˗së ˈö ˗gban [˗Zlan] ˗bha ˗gblüdëdhɛ ˗bha» ˗a pö ˗sü. (Dhukö 4:43 ˗wo pö.) Nɔɔn˗ ˗së ˈö kun ˗a pö ˗ni ˈgü ˗yö ˗gban ˗Zlan ˗bha ˗Gblüdëdhɛ ˈö ˗dho ˗a ˗ya kö ˗yö mɛnblɩɩdhe ˗nu ˗bha ˈwɔn ˈˈgbɩɩ˗ ˗nu ꞊gban ˈˈɲanbhɔ, ˗a ˗bha.a Yesu ˗yö nɔɔn˗ ˗së ˈö bhë ˗a -pö ö ꞊faan ˈka ˗kwɛɛ ˗yaaga waa ö ˈgbu ˈˈpiʋ̈. —Matiö 9:35.
2. ˗Mën ˈö Yesu ˗bha ˗dhidha ˗nu ˗wa ˗zɔn?
Biblö ˗ya ˗pö «[˗Zlan ˗yö ˗bɔ Yesu ˗ta ˈö] ˈˈdhabhliwɔn ˈˈgblʋ̈gblʋ̈ ˗nu ˗kë.» (Këwɔn ˗nu 2:22) Yesu ˗yö ˗bɔ ˗Zlan ˗bha ˈˈpiigbɩɩdhɛ ˗ta ˈö ˈˈtee ˈˈgbɩɩ˗ ˗nu kun, ˈö mɛn ˈˈgblü ꞊va ˈˈdhi gba, ˈö mɛn ˗nu ˗dhɛ bo, ˈö mɛn ˗nu bho ga ˈgü. (Matiö 8:23-27; 14:15-21; Makö 6:56; Dhukö 7:11-17). ˗Dhidha ˗nu ˈö Yesu ˗yö ˗an ˗kë bhë, ˗wa ˗zɔn ˈˈpuu ˈka ꞊dhɛ ˗Zlan ˈnën ˈö˗ bɔ. ˗Wa ˗zɔn ˈzü ꞊dhɛ Zoova ˗kɔ ˗yö ꞊mɔɔn˗ ˗bha kö ˗yö kwa ˗bha ˈwɔn ꞊gban ˈˈpɛpɛ ˈˈɲanbhɔ.
3. ˗Gleŋ ˗mɛɛn ˈö ˈkwa˗ sü Yesu ˗bha ˗tosɛta ˗bha?
Yesu ˗yö ˈwɔnman Zoova ˗ta ˈwɔn ꞊gban ˈgü. (Zan 8:29 ˗wo pö.) ˈKö ˗kë ꞊dhɛ ˗wo ˗gban Yesu ˗gɔ ˈö dho ˈö yö ˗a ˈka ˗a ga ˗yi ˗bha, pë ˈˈpɛpɛ ˈö˗ Dë ˗ya pö ˗a ˗dhɛ ˗ya ˗kë. ˗Ya ˗zɔn ꞊dhɛ kö mɛnbhɩɩdhe ˗nu ˗wo kë ˈwɔn ˈˈgbɩɩ˗ ˈgü, ˗wo ꞊mɔɔn˗ ˗bha ˈwo ˗Zlan ˗dhɔkë. ˗Dhɛ ˈö ˈˈdhʋ̈, Yesu ˗yö ˈwɔnzuan ‹˗to kwa ˗gɔ kë ˈˈdhʋ̈ kö ˈkwa˗ kë ˈpö ꞊dhɛ ö ˈdhö.› —1 Piɛdhö 2:21.
˗KAA ˈˈPIƲ̈ ˈPƆN
ˈPë Yesu ˗ya ˗kë kö mɛn ˗nu ˗wo nɔɔn˗ ˗së man waa ˗dhidha ˗nu ˈö ˗an ˗kë, ˗kwa ˗an ˗wɔn blɛɛˈˈ.
4. Yesu ˗yö nɔɔn˗ -së ˗pö.
Yesu ˗yö ˈˈta -sü ˈˈkidhʋŋ ꞊këŋ ꞊va ˈˈpiʋ̈ ꞊bobi ˈgü kö ˈö nɔɔn˗ ˗së pö mɛn ꞊va ꞊dede ˗dhɛ. -Ka Dhukö 8:1 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:
Mɛn ˗nu ˈwo nu wo ˈˈtʋ ˈto Yesu ˗bha, wo dosɛnŋ ˈnën ˈö ˗zlanwopö ˗an ˗dhɛ ˗ee?
Yesu ˗yö ö ˈgü -dɔ ˈˈgbɩɩ˗ ˗kɔ ˗kë ꞊dhɛ kö ˈö ˗kpan mɛn ˗nu ˗bha kö ˈö ˗zlanwopö ˗an ˗dhɛ?
˗Zlan ˗ya ˗to ˈˈdhiʋ̈ ˈö˗ pö ꞊dhɛ ö ˗bha ˗Yamɛn ˗dho nɔɔn˗ ˗së pö. ˗Ka Isaïe 61:1, 2 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:
ˈWɔn ˈö ˗Zlan ˗ya to ˈˈdhiʋ̈ ˈö˗ pö bhë, Yesu ˗ya ˈgü ˗wɔn ˗kë ˗kɔ ˗kë ꞊dhɛ?
Ü ˗bha ˈgü, mɛn ˗nu ˗bhawɔn ˗yö nɔɔn˗ ˗së ˈö bhë ˗a man ˗sü ˗bha ꞊dɛɛ ˗ee?
5. Yesu ˗yö gagade ˗wɔngbɩɩsü ˗nu ˗zɔn mɛn ˗nu ˗dhɛ.
Yesu ˗yö ˗Zlan ˗bha ˗Gblüdëdhɛ ˗nɔɔn ˗pö, ˈˈkɛɛ ˗yö ˗gleŋ ˗së ˗nu ˗da mɛn ˗nu ˗bha ˈpö. ˗Kaa ˈwɔnzuan ˈbhaa ˗nu ˗ga ˗a ˗bha dhiaŋ ˈö˗ zë ˗tɔn ꞊troo bhë ˗a ˈgü. ˗Ka Matiö 6:14, 34 waa 7:12 ˗an ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:
˗Dhiöö ˗së ˗nu ˗mɛɛn ˈö Yesu ˗yö ˗an dɔ Biblö ˈˈɲan ˗nu ˈwo bhë ˗an ˈgü?
Ü ˗bha ˈgü ˗dhioo ˗nu ˈwo bhë ˗wo ꞊mɔɔn˗ ˗bha ˈwo kwa ˗takun ꞊dɛɛ ˗ee?
6. Yesu ˗yö ˗dhidha ˗nu ˗kë.
Zoova ˗yö ꞊faan ˗nu Yesu ˗dhɛ kö ˗yö ˗dhidha ꞊va kë. ˗Kaa ˈwɔnzuan do ˗ga. ˗Ka Makö 5:25-34, ˗an ˗wo pö, ɛɛnˈˈ ˗kaa VIDEO ˗ga, kö ˈka dhɛɛˈˈ ˗nu ˈwo ˈˈshia bhë ˗an ˗yɔ mɛɛnˈˈ.
Dhebɔnën ˈö ˈˈyua kun ˗a ˗bha video bhë ˗a ˈgü bhë, ˗mën ˈö kun ga ˗sü ˈka ˗a ˈgü ꞊dhɛ ˗yö ˗dho ˗kë ö ˗dhɛ?
˗Mën ˈö ˗kë ü ˗dhɛ ˗së ˗dhidha ˈö bhë ˗a ˈgü?
˗Ka Zan 5:36 ˗wo pö, kö ˗ka dhɛɛˈˈ ˈö yö ˗a ˗yɔ mɛɛnˈˈ:
˗Dhidha ˗nu ˈö Yesu ˗yö ˗an ˗kë bhë, ˗mën ˈwo˗ «˗zɔn»?
Ü˗ ˈwɔn ˗dɔ ˗ee?
ˈWɔn ꞊vadhɛ ˈö ˈkwa ˗an dɔ ˈö ˈwo ˗gban Yesu ˗bha, ˗wo ˗bɛnzë ˗sü ˈka Biblö ˈˈpian ˗yiishiö ˈwo ˗an ˗dhɛ Naɔn˗ ˗së ˈsëëdhɛ bhë ˗an ˈgü. Wo ˈnën ˈwo ˗tɔ: Matiö, Makö, Dhukö waa Zan. ˗A ˈdhɛ ˈö ˈdhö ˗yö ˈwɔn ˈbhaa ˈö ˗gban Yesu ˗bha ˈö ˈwaa˗ yö ˗a ˗be ˗dhɛ ˗nu ˈwo to ˗an ˈgü, ˗a ˗wɔn ˗blɛɛ. ˗A ˈwɔn ˈˈpɛpɛ ˈwo ˈˈdhʋ̈ ˗an ˗lokotasü ˗wo ˗a ˗bha ˗tosɛta ˗kwɛzlan ˗kë ˗së.
MATIÖ
ˈnën ˈö Naɔn ˗së ˈsëëdhɛ ˗be ˗blɛɛsü ˗bɛnzë. Yesu ˗bha mɛn ꞊klaŋkë ˗wo ˈö ˗gban ˗Zlan ˗bha ˗Gblüdëdhɛ ˗bha bhë, ˈyö˗ ˗wɔn ꞊blɛɛ ˈgbɛ.
MAKÖ
ˈnën ˈö Naɔn ˗së ˈsëëdhɛ ˗be ˈö ꞊klöö˗ ˗a ˗bɛnzë. ˈWɔn ꞊vadhɛ ˈö Yesu ˗yö ˗an ˗kë ˈyö ˗an ˗wɔn ˗blɛɛ ˈˈnɛɛnnɛn ˈka.
DHUKÖ
˗yö Yesu ˗bha bhɛɛsü waa˗ ˗bha ˈˈgblüsë ˗kë dhebɔ ˗nu ˈka ˗sü ˗wɔn ˗blɛɛ ˈgbɛ.
ZAN
˗yö ˈˈdoo ˈö Yesu waa ö ˈˈtɔŋdë ˗nu ɛɛnˈˈ waa mɛn ˈˈwɛɛ ˗nu ˈwo˗ dɔ ˗an ꞊vadhɛ ˗wɔn ˗blɛɛ. ˗Yö Yesu ˗bha ˈˈklʋʋsë ˗nu ˗zɔn kwa ˗dhɛ.
MƐN ˈBHAA ˗NU ˗WA ˗PÖ: «Yesu ˈö bhë ˈˈgblüsëmɛn ˈˈkpaan ˈö kun ꞊kwɛŋzü yö ˗mü.»
Ü ü ˗bha ˗pö ˗a ˈgü ꞊dhɛ?
˗A ˈDHƐ TO KWA ˈˈƝAAN
Yesu ˗yö ˗Zlan ˗bha ˗Gblüdëdhɛ nɔɔn˗ ˗pö, ˈö ˗dhidha ˗nu ˗kë, ˈö ˈwɔnman Zoova ˗ta ˈwɔn ꞊gban ˈgü.
˗Zobuödhe
ˈDhɛ ˈö Yesu kun ˈˈkpɔnŋ ꞊taa yö ˗mɛɛn ˈö˗ ˗wɔn ˗yö kun ˗a ˗gɔ ˈˈgbɩɩ˗?
˗Mën ˈö Yesu ˗bha ˗dhidha ˗nu ˗wa ˗zɔn?
˗Gleŋ ˗mɛɛn ˈö Yesu ˗ya ˗da kwa ˗bha?
˗AN ˗GA ˈPÖ
˗Mën ˈö Yesu ˗ya -wɔn ꞊blɛɛ ˈgbɛ?
«˗Zlan ˗bha ˗Gblüdëdhɛ: ˗A ˗wɔn ˗yö ˈˈgbɩɩ˗ Yesu ˗gɔ»(˗Kwɛ 2014 Ɔtɔblö 1 ˗bha ˈˈGlaadhiʋ̈ ˗tɔn)
Pë ˗nu ˈwo˗ ˗zɔn ꞊dhɛ Yesu ˗yö ˗dhidha ˗nu ˗kë ꞊dedewo ˗an ˗ga.
«˗Mën ˈö Yesu ˗bha ˗dhidha ˗nu ˗wa ˗zɔn kwa ˗dhɛ?» (˗Kwɛ 2004 Ʒue 15 ˗bha ˈˈGlaadhiʋ̈ ˗tɔn)
ˈDhɛ gɔndë do ˗ya yö ꞊dhɛ Yesu ˗yö ö ˗bha ˈˈtʋ̈ŋ ˗sü ˈö mɛn ˈˈwɛɛ ˗nu ˗takun, ˗kɔ ˈö˗ ˗bha ˗tosɛta ˗yö go ˗a ˈka ˈˈgblʋʋ ˗a ˗ga.
«ˈÖ kun ˗be a n ˗zota man dosɛnŋ n ˗de ˗wɔn ˈgü» (˗Kwɛ 2014 Ɔtɔblö 1 ˗bha ˈˈGlaadhiʋ̈ ˗tɔn)
ˈWɔn ˗nu ˈö Yesu ˗yö ˗an ˗kë kö ˗yö ˈˈsɛ ˗ta, ˗bhö ˗a ˗dhɛ ˗nu ˈö ˗an ˗wɔn ˈdhö ˈˈgbɩɩ˗ ˗an ˗ga ˗bhuö ˈgü.
a ˈWɔn ˗gɔ 31-33 ˗wo ˈwɔn ˈö ˗gban ˗Zlan ˗bha ˗Gblüdëdhɛ ˗bha ˗a ˗blɛɛ ˈkpakpadhö.