Gagade ˈö ˗gban Yesu ˗bha, ˗kwaa pö kwa ꞊faan ˈka

Gagade ˈö ˗gban Yesu ˗bha, ˈkwa˗ ˗pö mɛn ˈˈwɛɛ ˗nu ˗dhɛ ˗kɔ dɔ, ˗yö kwa ˗bha ˗zlanwopö ꞊faan ˈka ˗sü ˗dadhiʋ̈ˈˈ. Yesu ˈnën ˗tɔ ˈˈkpan ˗ya ˗a ˗ta ˗gwöö ˈö ˗zoyödhe ꞊dede ˈdhö dɔ ˗sü ˈka˗ ˗ta. (Efɛ. 2:20) Yö ˈti kë˗ ˈka, ˈmɛn ˈkwa ˗dhö bɔ˗ ˗ta kö ˈkwa dha, ˈyaa ˈdhö. (Këw. 4:12) ˈDhɛ ˈö Yesu ˗duɛɛbhadhɛ ˈka ˗Zlan ꞊dhɔbhaawɔn ˈgü, ˗a dɔ ˗sü ˗wɔn ˗yö ˈˈgbɩɩ˗. ꞊Wa ˈˈkpënŋ˗ kë mɛn ꞊vadhɛ ˗gɔ ꞊klaŋwo ˈö wo ˈti ˈgo Biblö ˈgü ˗an ˈka. ˗Wëëwɔn ˈö ˈdhö ˈyö ˗tɔ pë ˈö ˗Zlan ˗ya ˈˈplüün bho mɛn ˗nu ˈwo wo ˗zo yö Yesu ˗dhɛ ˗an ˗dhɛ bhë, ˗yö ꞊mɔɔn˗ ˗bha ˈö dha ˗an ˗gɔ. Gagade ˗dhɔ ˗bha kwa kë ꞊faan ˈka ˗sü ˗dho kwa ˗blü ˈö ˈkwa zuʋ̈puumɛn ˗nu ˗takun kö gagade ˈö ˗gban Yesu ˗bha, ˗mlɛɛn ˈö waa ˗Zlan ˗an ꞊zinŋgü, waa˗ ˗duɛɛ ˈö ˗Zlan ˗zokunwɔn ˈgü, ˗wa ˈgüman ˗së ˈka. ˗Zo ˗bo ˈwlaan˗ ˈˈtʋ̈ŋ ˈö yö ˗a ˈgü, ü ˗dho gagade ˈö ˗gban Yesu ˗bha ˗a pö ü ꞊faan ˈka ˗ee?