˗Mën ˈö ꞊mɔɔn˗ ˗bha ˈö ˈkɔdhi ˈwaannu?

BIBLÖ ˗YA ˗PÖ:

“Mɛ ˗zian ˈkö ˈwo wo ˈˈtʋ ˈto Atanna ˗wʋ ˗bha ˈö ˈwo˗ ˈgü ˗ta sü wo ˗zë ˗a ˗nu bha˗ ˗së!”—Dhukö 11:28, Naɔ ˗së ˈsëëdhɛ.

˗A ꞊TRƆƆN ˈTƆ˗ ˗MËN KA ˗BHA ˈKA?

Ka ˗dho ˗dhɔkadhe ꞊dede ꞊slɔɔ˗.—Efɛzö 5:28, 29.

Ka ˗dho ꞊bhlëë ˗ya ˈko ˗bha ˗sü din yö˗.—Efɛzö 5:33.

Ka ˗dho ˗ya ˈflëëgüdhe ꞊dede ꞊slɔɔ˗.—Makö 10:6-9.

PË ˈÖ BIBLÖ ˗YA PÖ, KWA ꞊MƆƆN˗ ˗BHA ˈKWA KWA ˗ZO YÖ ˗A ˗DHƐ ˗EE?

꞊Ii, kwa ꞊mɔɔn˗ ˗bha. ˗A ˗gɛn ˗yö ꞊va, ˈˈkɛɛ ˗a ˗gɛn ꞊plɛ ˗wɔn ˈgü:

• ˗Zlan ˈnën ˈö ˗tɔ ˈkɔdhi ˈˈpɛpɛ Dëmɛn. Biblö ˗ya ˗pö ꞊dhɛ, ˈkɔdhi ˈˈpɛpɛ [...] ˈwo go˗ [Zoova ˗Zlan] ˈgü. (Efɛzö 3:14, 15) ˗A pö ˗kɔ ˈˈwɛɛ ˈnën ˗tɔ ꞊dhɛ, ˈkɔdhi ˗bha ˗këdhösü ˈö bhë ˗a ˗gɛn ˈtɔ˗ Zoova ˈnën ˈö˗ ˗da. ˗Mën ˈö -kë ˈö gagade ˈö bhë, ˈö˗ dɔ ˗sü ˗wɔn ˈdhö ˈˈgbɩɩ˗?

  ˈWɔn ꞊zɔn ˈka ˈö yö ˗kaa ˗ga: ꞊Ya kë ꞊dhɛ ka ˗bhöpë din ˗së ˗sü ˈbhaa ˗bhö ˗ni ˈgü, ˈö ˈka˗ ˈˈpiʋ̈ kö pë ˈwo˗ ˗kpa ˗a ˈka ˈka dɔ, de ˈö ˈka ˗dho ˗a dhɛɛˈˈ ˈkpɔ? Kwa˗ ˈwɔn ˗dɔ ꞊dhɛ ˗a ˗kpamɛn ˗mü.

  Kɔ do ˈö bhë ˗a ˈgü, ˈkwa˗ pö pë ˈö ˈkɔdhi ˈwaannu ˈkwa dɔ, ˗yö ˗dho kë ˗së kö Zoova ˈö ˗kë ˈkɔdhi ˈˈpɛpɛ Dëmɛn ˈka bhë, ˈkwa ˗a dhɛɛˈˈ ˈkpɔ.—ˈWunzüdɔdhɛ 2:18-24.

• ˗Zlan ˈˈtʋ̈ŋ ˗yö ka ˗wɔn ˈgü. Zoova ˗bha ˗dhioo ˈö ˗bɔ ö ˗Wo ˗ta ˈö˗ dɔ bhë, ˗yö ˗së kö ˈkɔdhigümɛn ˗nu ˗wa mɛɛnˈˈ. ˗Mën ˗wɔn ˈgü? “˗A ˗gɛn ˗mü ꞊dhɛ ˗a ˈˈtʋ̈ng ˗yö ka ˗wɔn ˈgü.” (1 Piɛdhö 5:6, 7) Ka ˗bhawɔn ˗së ˗yö Zoova zuʋ̈ˈˈ ˈgü. Ya ˈgo mü ˈzü ˗a ˗bha ˗dhioo ˗nu ꞊bhlëë ˗dhö ˈˈtʋ̈ŋ ꞊gban ˈgü.—Proverbes 3:5, 6; Isaïe 48:17, 18.