Moizö ˗yö ˗wi ˗a ˗bha kö ˈö ˗Zlan -dhɔkë

Ezitö ˗sɛ ˈgü, ˗wo kun Zakɔbö ˗bha kɔdhigümɛn ˗nu ˗dhɛ ˗ni ˈgü Izraɛdhömɛn ˗nu. ˈDhɛ Zakɔbö waa Zozɛfö ˗wo ga, ˗gblüdë ˈˈwɛɛ ˈbhaa ˗yö ˗ya Ezitö ˗sɛ ˗gɔ ˈˈdhiʋ̈. ˈDhɛ ˗kë ꞊dhɛ Izraɛdhömɛn ˗nu ˈgü ˗kun kë ˗ni ˈgü ˈˈgbɩɩ˗ bhë, ˈˈsuʋ̈ ˗yö ˗da ˗a ˈgü. ˗A ˗wɔn ˈgü ˈö ˗an ˗kë ꞊dhuëŋ ˗nu ˈka. ˗Yö ˈˈgbɩɩdhɛ ˗wɔ ˗an ˗ta kö ˗wo ˗bliki ˗nu man, ˗wo yö ˈˈgbɩɩ˗ ˗nu kë ˈbhlaadhɛ ˗nu ˈgü. Ezitömɛn ˗nu ˈwo ˈˈgbɩɩdhɛ wɔ ˗ni ˈgü Izraɛdhömɛn ˗nu ˗ta kö ˗wo yökë, kö Izraɛdhömɛn ˗nu ˗de ˈpö ˗wo ˈnën ˈkpɔ ˗ni ˈgü, ˈwo kë ˗ni ˈgü ꞊va. ˈYö Fadhaɔn ˗ya pö ꞊dhɛ ˗wo Izraɛdhömɛn ˗nu ˗bha ˈnëngɔɔn˗ ˈˈblë ˈˈpuu ˗nu ꞊gban zë. ˈWɔn ˈö bhë, ˗yö ˈˈsuʋ̈ ˗da Izraɛdhömɛn ˗nu ˈgü ꞊dedewo.

Izraɛdhö dhebɔ do ˈwo˗ ˗dhɛ Zokebɛdö, ˗yö ˈnëngɔɔn˗ ˗së do ˗kpɔ. ˗Yö ˗kun ˗a ˈˈpiʋ̈ kö ˈö ö ˗kɔ kpa ˈnën ˈö bhë ˗a ˗ta. ˗A ˗wɔn ˈgü, ˗ya ˗ya ꞊töö ˈnën do ˈgü ˈNilö ˈˈyiga ꞊bhaa ˗kaa ˗nu ꞊zinŋgü. Nën ˈˈblë ˈˈpuu ˈö bhë, ˗a dhegbaan ˈwo˗ ˗dhɛ Midhiamö, ˗yö ˗dɔ ˗a ˈka ꞊gblɛɛn ˈdɔɔni kö ˈwɔn ˈö dho kë ˗a ˈka, ˈö˗ dɔ.

ˈDhɛ Fadhaɔn ˈdhu ˗yö nu ö ˈˈzu ˈˈyi ˈö bhë ˗a ꞊bhaa, ˈyö ˗kpan ꞊töö ˈnën bhë˗ ˗bha. ˈDhɛ ˈwo˗ ˈˈdhiʋ̈ ˗pʋ ˈö ˗kpan ˈnën ˈˈblë ˈˈpuu do ˗bha kö ˗yö ˈˈgbʋ bɔ ˗ni ˈgü. ˈYö Midhiamö ˗ya pö: ‹Ü˗ ˈˈpiʋ̈ kö ˈa dhebɔ do ˈö dho ˈˈɲɔn nu ˈnën ˈö yö ˗a ˗dhɛ ˗a ꞊slɔɔ ü ˗bha ˈka ˗ee?› ˗Dhɛ ˈö Fadhaɔn ˈdhu ˗yö ˗wɩ ˗a ˗bha, ˈyö Midhiamö ˗yö ö dhe Zokebɛdö ˗dhɛ. Fadhaɔn ˈdhu ˗ya pö ˗a ˗dhɛ: ‹˗Bhö ü ˗zokë ˈnën ˈˈblë ˈˈpuu ˈö yö ˗a ˈˈpiʋ̈ n ˗bha ˈka kö ˈa ü ꞊saa bho.›

ˈDhɛ ˈnën bhë ˗yö ˗kë ˈkpii˗, Zokebɛdö ˗yö ˗dho ˗a ˈka Fadhaɔn ˈdhu ˗dhɛ, ˈö Fadhaɔn ˈdhu ˗ya ˗dhɛ Moizö. ˗Yö ö zokë ˗a ˈˈpiʋ̈ ꞊dhɛ ö ˗dea ˈnën ˈdhö. Moizö ˗yö ˗gla ꞊dhɛ ˗gblüdë gbö ˈdhö ˈö pë ˈˈpɛpɛ ˈö˗ ˗bhawɔn ˗yö kun ˗a ˗bha ˈwo˗ nu ˗a ˗dhɛ. ˈˈKɛɛ Moizö ˗zo ˈti bhɔ Zoova ˈka. ˗Yö ˗kun ˗a ˈˈɲaan ꞊dhɛ ˈyaa kun Ezitö ˈnën ˈka, ˈö˗ sü ö ˗de ˈgü kö ˈö Zoova ˗dhɔkë.

ˈDhɛ Moizö ˗kwɛ ˗yö ˗kë 40, ˗ya ˗sü ö ˗de ˈgü kö ˈö ö ˗bha ˈˈsɛgümɛn ˗nu ˗takun. ˗Dhɛ ˈö ˗kpan Ezitömi do ˗bha kö ˗yö Izraɛdhömi do man ˗ni ˈgü ˈyö˗ man ꞊faan ˈka, ˈö ga ˗a ˗kɔa, ˈö˗ ꞊gee ˗bin ˈˈsɛɛdhö. ˈDhɛ Fadhaɔn ˗yö ˈwɔn bhë˗ man, ˈö˗ pö ö dho Moizö zë. ˗A ˗wɔn ˈgü, Moizö ˗yö ꞊duëë ˈö dho Madianö ˗sɛ ˈgü. ˗Yö ˗to ˈmü ˈö Zoova ˗yö ö zokë ˗a ˈˈpiʋ̈.