˗Kɔ ˈˈpian 5 züdɔdhɛ

ˈDhɛ Izraɛdhönën ˗nu ˗wo ꞊weeyi ˗zɔɔndhö ˗kan ˈö˗ ˈˈsu ꞊plɛ ˗yö ˗ʒiö, ˗wo ˗dho ˈwo ˗lo Sinai ˗tɔn ˗ta. ˈDhɛ bhë˗ ˈgü, Zoova ˗yö ˗mlɛɛn ˗da waa wo ˗nu wo ꞊zinŋgü, ˈö Izraɛdhömɛn ˗nu ˗wo ˗kë ˈˈsɛgɔ ˈö ö ˗de ˗ta, ˗a ˈka. ˗Yö ö ˗kɔ ˗kpa ˗an ˗ta, ˈö pë ˗nu ˈö ˗an ˗bhawɔn ˗yö yö ˗a ˗bha ˗a nu ˗an ˗dhɛ. ˗Yö manö ˗nu ˗an ˗dhɛ kö ˗wa ˗bhö, ˈö sɔ ˗nu ˈö ˈwaa shiʋ̈ˈˈ waa wɔdhɛ ˗nu ˗nu ˗an ˗dhɛ ˈpö. ꞊Ya kë ꞊dhɛ ˈnënmɛn ˗mü ü ˈka, ˗bhö ü ˗bha ˈnën ˗takun kö ˈpë ˗kë ˈö Zoova ˗yö ö ˗bha ˈtɔŋ˗, ö ˗dhɔkë ˗a ˈgü ˈkɔ waa ˈˈsaabhomɛn ˗nu nu Izraɛdhömɛn ˗nu ˗dhɛ bhë, ˗ya ˈgüman ˗së ˈka. ˈPë ˗kë ˈö ˗towotasü, ˗dekëtɩtɩsü waa ˗klu Zoova ˗bha ˗sü ˗wɔn ˈdhö ˈˈgbɩɩ˗ bhë ˗a ˗zɔn ˗a ˗dhɛ ˈpö.