˗Kɔ ˈˈpian 11 züdɔdhɛ

˗A ˗kɔ ˈˈpian ˗dhɛ ö yö, ˗yö ˗Zlan ˗wo ˈˈpian ˈwo˗ ˗bɛnzë Glɛkö ˗wo ˈgü, ꞊nën˗ ˗wɔn ꞊blɛɛ. ˈKɔdhi ˈö Yesu ˗yö bhɔ ˗a ˈgü, ˗a ˈgümɛn ˗nu ˈwaa kun ꞊nɔɔnmɛn ˗nu ˈka, ˈgo mü ˈzü ˗wo ˗kun ˗tosɛta kë ˗ni ˈgü ˈpödhɛ ˈnën ˈˈtɩtɩ do ˈgü. Waa˗ dë ˈö kun ˈˈdhüɲënmɛn ˈka bhë, ˗wo ˗kun yökë ˗ni ˈgü wo ˈˈkwëë. Yesu ˈnën ˗tɔ mɛn ˈö dho ˈˈkpɔnŋtaamɛn ˗nu ꞊gban ˈˈpɛpɛ dha. Zoova ˗yö ö ˗kɔ ˗yɛ ˗a ˗bha kö ˗yö kë ˗Gblüdë ˈka dhaŋ˗ ˈgü. ꞊Ya kë ꞊dhɛ ˈnënmɛn ˗mü ka ˈka, ˗ka ka ˗bha ˈnën ˗nu ˗takun kö ˗wa ˈgüman ꞊dhɛ Zoova ˗yö ö ˗kɔ ˗yɛ ö ˈsuan˗ ˈka ˈkɔdhi waa ˗dhɛ ˈö Yesu dho ˈˈgla ˗a ˗bha bhë, ˗a ˗bha. ˗Ka ˗kɔ ˈö Zoova ˗yö Yesu ˗takpa ˗a ˈka kö ˗gblüdë Edhɔdö ˈyaa dho ˗a zë waa pë ˈö˗ ˗zɔn ꞊dhɛ pë ˈbha ˈyaa ꞊mɔɔn˗ ˗bha kö ˗yö Zoova ˗kɔ ˈˈkan ˗a dhɔɔbhaawɔn kë ˗sü ˗bha, ˗a ˗zɔn ˗an ˗dhɛ. ˗Ka ˗kɔ ˈö Zoova ˗ya pö Zan ˗dhɛ ˗yö Yesu ˗bha ʒiaan baaˈˈ ˗a ˈka, ˗a ˗zɔn ˗a ˗dhɛ ˈpö. ˗Ka ꞊gbɔɔn -kɔ ˈö Yesu ˗ya ˗zɔn ˗a ˈka ö ˗bha wlüünëndhɛ ˈgü ꞊dhɛ Zoova ˗bha ꞊kpɔɔdhɛ ˗dhɔ ꞊dede ˗ya ˗kë, ˗a ˗ta.