˗Kɔ ˈˈpian 13 züdɔdhɛ

Yesu ˗yö ˗nu ˈˈsɛ ˗ta kö ˗yö ö ˗bha ˗tosɛta nu mɛnbhɩɩdhe ˗nu ˈö ˈwɔn yaa ˗kë ˗dhii ˈdhö ˗an ˈgü, ˗an ˗wɔn ˈgü. ˈKö ˗kë ꞊dhɛ ˗wa ˗zë, ˗a ˗kɔ ˗yö ˗ʒiö ˈˈkpɔnŋtaadhɛ ˗gɔ. Zoova ˗yö ˗to ö Gbö ˈˈpiʋ̈, ˈö˗ bho ga ˈgü. ˈÖ dho ˈö yö˗ ˈka ˗a ga ˗yi ˗bha, Yesu ˗yö mɛn ˈˈwɛɛ ˗nu ˈˈdhiʋ̈ʒiöwo, ˈö ˗an ˗bha ˈwɔn yaa ˗nu ˗bhawɔn to. ˗Dhɛ ˈö go ga ˈgü, ˗yö ö ˗de ˗zɔn ö ˗bha gwëëˈˈ ˗nu ˗dhɛ. ˗Yö ˗kɔ ˈö ˈwo dho yö ꞊bhlëësü ˈö˗ dɔ ˗an ˗kɔa ˗a kë˗ ˈka, ˗a ˗zɔn ˗an ˗dhɛ. ꞊Ya kë ꞊dhɛ ˈnënmɛn ˗mü ka ˈka, ˗ka ka ˗bha ˈnën ˗nu ˗takun kö ˗wa ˈwɔn dɔ ꞊dhɛ kwa ˗de ˈpö kwa ˗kɔ dua ˗mü kö ˗yö kë ꞊dɛɛ ˗a yö ˈö ˈˈdhʋ̈ ˗a ˈgü.