˗Kɔ ˈˈpian 4 zübhodhɛ

˗A ˗kɔ ˈˈpian ˗dhɛ ö yö, ˗yö ˗dho kwa ˗takun kö ˈkwa Zozɛfö, Zɔbö, Moizö waa Izraɛdhömɛn ˗nu dɔ ˗së ˈka. Dügɔmɛn ˗ya ˗kë ˈwo bɔ saanˈˈ ꞊va ˗dede ˈgü. ˗Wo ˈwɔn yaa ˗kë mɛn ˈbha ˗nu ˈka, ˈwo ˗an ˗da kaso ˈgü, ˈwo˗ ˗nu ˗kë ꞊dhuëŋ ˈka, ˈwo ˗an zë ˈpö. ˈˈKɛɛ Zoova ˗yö ˗an ˗takpa ˗kɔ ˗suu ꞊va ˗dede ˈgü. ꞊Ya kë ꞊dhɛ ˈnënmɛn ˗mü ü ˈka, ˗bhö ü ˗bha ˈnën ˗takun kö ˗kɔ ö Zoova ˗dhɔkëmɛn ˗nu ˈwo bhë ˗wo ˗bɔ ˗a ˈka ˈwɔn ˈˈgbɩɩ˗ ˗nu ˈgü wo ˗zoyö Zoova ˗dhɛ ˗sü ˈka ˗kplawo, ˗ya ˈgüman.

Zoova ˗yö ˗bɔ ˈwɔn ˈˈgbɩɩ˗ ˗kɔŋ do ˗ta kö ˈö˗ ˗zɔn ꞊dhɛ ˈö ˈˈpii ˗yö ˈˈgbɩɩ˗ ö ˗ʒiö ˗a ˈka ˗zlan ˈˈpɛpɛ ˈwo Ezitö ˗an ˗ta. ˗Kɔ ˈö ö ˗dhɔkëmɛn ˗nu ˗takpa ˗a ˈka waa ˗kɔ ˈö˗ kë ˗ni ˈgü ˗a ˈka ꞊dɛɛ, ˗kwa dho ˗a ˈgüman ˗së ˈka.