˗Kɔ ˈˈpian 10 züdɔdhɛ

Zoova ˈnën˗ ˗tɔ ˗gblüdë ˗nu ˗bha ˗Gblüdë. Yö ˈnën ˈˈdhiʋ̈sü ˈwɔn ˈˈpɛpɛ ˈka. ˗Yö ˗dho ˈˈdhiʋ̈sü ˗an ˈka ˗kplawo. ˗A ˈwɔnzuan ꞊nɛn, ˗yö Zedhemi ˗bho ˗klɔŋ ˈö dho ga ˗a ˈgü ˗be bhë ˗a ˈgü. ˗Yö Shadrakö, Meshakö waa Abɛdönego ˗an ˗dha ˈˈwo ˗gɔɔn ˈkpii˗ ˗gɔ, ˈö Daniɛdhö dha ꞊laa ˗nu ˗gɔ. Zoova ˗yö ö ˗kɔ ˗kpa Ɛstɛɛ ˗ta kë ˈˈdhʋ̈ kö ˗yö ö ˗bha ˈˈsɛgümɛn ˗nu dha. Yö ˈti dho ˈˈwɩ ˗bha toŋtoŋdhö kö ˈwɔnyaakëmɛn ˗nu ˗wo ˈto ˗toëpö ˈka. ˈWɔn ˗nu ˈö ˗Zlan ˗yö ˗an to ˈˈdhiʋ̈ ˈö ˗an ꞊blɛɛ ˈö ˗gban pë ˗bin waa ˈˈdhü ˈkpii˗ ˗nu ˗bha bhë, ˗wa ˗zɔn kwa ˗dhɛ ˈˈpuu ˈka ꞊dhɛ ˗a ˈˈtʋ̈ŋ ˈyaa ꞊gblɛɛn ˈzü kö Zoova ˗bha ˗Gblüdëdhɛ ˗yö ˈwɔnyaakëmɛn ˗nu ˈgüshiʋ̈, kö ˗yö ˈto ˈˈsɛ ˗ta yi ꞊gban ˈka.