˗Kwa ˗gleŋ ˗nu ˈsü pë ˈˈbin ˗nu ˈgü

Pë ˈˈbin ˗nu ˗wo kwa ˗bha ˈsëëdhɛ ˗nu ˈgü kë ˈˈdhʋ̈ kö ˈkwa ˗gleŋ ˈsü ˗an ˈgü. Kwa ˗dho pë ˈˈbin ˗nu ˈwo ˈˈdhʋ̈ ˗an ꞊trɔɔn ꞊slɔɔ ˗kɔ ˗kë ꞊dhɛ?

• ˈˈSanni ˈkwa ˈsëëdhɛ ˗wo pö, ˗kwaa pë ˈˈbin ˗nu ˗ga. Pë ˈˈbin ˗nu ˗bha ˗kë ˗së ˗sü ˈö bhë ˗yö ˈsëëdhɛ ˗wopösü ˗dhɔ ˗da kwa ˈgü. ˈKwa ˗kpan ˗bhöpë ˗së ˗bha ˈtia˗ ˈgü, ˗ya ˗bhö ˗dhɔ ˗da kwa ˈgü. ˗A ˗wɔn ˈgü, ˗kwa kwa ˗de dhɛɛˈˈ ˈkpɔ ˈkwa˗ pö: «ˈMën n ˈˈɲan ˗yö ˗kpan ˗a ˗bha?»—Amos 7:​7, 8.

• Kwa pë ˈbha ˗wo pö ˗ni ˈgü, ˗kwa kwa ˗zota pë ˈˈbin ˗nu ˈwo˗ ˈgü bhë ˗an ˗gɛn ˈgü. Kwa pë ˈˈbin ˗ga ˗ni ˈgü ˗a ˈklɔɔ˗ ˗ya kë ˗a ˗löö, ˗kwaa ˗wo pö. ˗Kwa kwa ˗zota ˗kɔ ˈö ˗gban ˗a ˈka ˈpë ˈkwa˗ ˗wo pö ˗ni ˈgü waa kwa ˗bha ˗tosɛta ˗bha ˗an ˈgü.

• ˈKwa kwa bo ˈsëëdhɛ ˗wopösü ˈka, ˗kwa bɔ pë ˈˈbin ˗nu ˗ta kö kwa ˗zo ˗yö ˗büö ˗a ˗gleŋ ˗nu ˈka. ˗Ya ˈgo mü, ˗kwa kwa ˈˈɲan ta kö pë ˈˈbin ˗dhɛ ˈö ˗dhö pë ˈö kwa ꞊klaŋkë ˗a ˈka, ˈkwa kwa ˗zota ˗a gü.

• Pë ˈˈbin ˗nu ˈwo ˈˈGlaadhiʋ̈ ˗tɔn ˈö yö ˗a ˈgü bhë, ˗kwa ˗an ˗ga ˈzü ˗dɛɛwo kö ˗ya kë ꞊dhɛ kwa ˗zo ˗yö ˗to ˗a ˈwɔn ga ga ˗nu ˈˈpiʋ̈ ˈkwa˗ ˈwɔn dɔ.