Watchtower ˗bha 'SËËDHƐ ˗LO ˗DHƐ 'Ö ƐNTƐNƐTÖ ˗TA
Watchtower
'SËËDHƐ ˗LO ˗DHƐ 'Ö ƐNTƐNƐTÖ ˗TA
Yaoba
Ʋ̈
  • Ɛ
  • ɛ
  • Ɩ
  • ɩ
  • Ɲ
  • ɲ
  • Ŋ
  • ŋ
  • Ɔ
  • ɔ
  • Ʋ
  • ʋ
  • Ʋ̈
  • ʋ̈
  • Ӡ
  • ӡ
  • BIBLÖ
  • ˈSËËDHƐ ˗NU
  • ˗BHƆKWËË ˗NU
  • lfb ˈwg. 89 ˈˈp. 208-ˈˈp. 209 ˗wbk. 1
  • Piɛɛ ˗ya ˗pö ˈyaa Yesu dɔ

˗A video ˈyaa ˈdhö.

Yi ˗bhawɔn 'to, 'wɔn 'bhaa ˗ya ˗da video 'sü ˗sü 'gü.

  • Piɛɛ ˗ya ˗pö ˈyaa Yesu dɔ
  • ˗Gleŋ ˗nu ˈkwa ꞊mɔɔn˗ ˗bha ˈkwa ˗an sü Biblö ˗wopösü ˈgü
˗Gleŋ ˗nu ˈkwa ꞊mɔɔn˗ ˗bha ˈkwa ˗an sü Biblö ˗wopösü ˈgü
lfb ˈwg. 89 ˈˈp. 208-ˈˈp. 209 ˗wbk. 1
Piɛɛ ˗ya ˗pö Kaifö ˗gɔ ˈˈkwɛɛnŋdhö ꞊dhɛ ˈyaa Yesu dɔ.

ˈWƆN ˗GƆ 89

Piɛɛ ˗ya ˗pö ˈyaa Yesu dɔ

˗Dhɛ ˈö Yesu waa ö ˗bha gwëëˈˈ ˗nu ˈwo kun wo ˈkwëëdhö ˈkɔdhi do ˈgü ˈˈdhʋŋ, ˗ya ˗pö ˗an ˗dhɛ: ‹Mɛn ꞊gban ka ˗dho n ˈto ˈö ˈka ꞊duëë gbeŋ ˈö yö ˗a ˈgü.› ˈˈKɛɛ ˈyö Piɛɛ ˗ya pö: ‹Abin, ˈkö ˗kë ꞊dhɛ mɛn ꞊gban ˗dho ꞊duëë, man ˗zë n ˈti ˗dho ü ˈto toŋtoŋdhö.› ˈYö Yesu ˗ya pö: ‹ˈˈSanni ˗tɔ gɔn ˗yö ˈˈwɩ kö ˈbha˗ pö ˗gɛnɲan ˈka ˗yaaga ꞊dhɛ ˈbhaa n dɔ.›

ˈDhɛ ˈö ˈˈsɔdha ˗nu ˗wo ˗nu Yesu ˈka Kaifö ˗gɔ ˈkɔɔ, kö ˗a ˗bha gwëëˈˈ ˗nu ꞊va ˗wa ꞊duëë ˈsaadhö. ˈˈKɛɛ ˗a mɛn ꞊plɛ ˗wo ˗ʒiö ˗a ꞊kee˗ mɛn kpö ˈö bhë ˗a ˈgü. Piɛɛ ˗kun ˗a mɛn do ˈka. Piɛɛ ˗yö dho ˗ya ˈˈwo ˈˈsuee ˈˈkwɛɛnŋdhɛ bhë˗ ꞊zinŋgü. ˈDhɛ ˈö ˈˈshiʋ̈ ˈbhü ˗yö dɔ ˗a ˗bha, ˈnëndhiëŋnën do ˈö yö ˗kë mü ˗ya ˗pö ˗a ˗dhɛ: ‹A ü dɔ, ü kun Yesu ꞊kee˗.›

ˈˈKɛɛ ˈyö Piɛɛ ˗yö zɔɔ ˈö˗ pö: ‹ˈMaan mɛn ˈü ˈˈwɩ ˗ni ˈgü˗ ˈka bhë ˗a dɔ!› ˈYö dho ˈˈkpan ˈˈdhiʋ̈ ˗ʒiaan ˈka. ˗Dhɛ ˈö ˈˈtʋ̈ŋ ˈnënbhaa ˗yö ˗ʒiö, ˈyö ˈnëndhiëŋnën ˈˈwɛɛ do ˗yö ˗kpan ˗a ˗bha ˈpö, ˈö˗ pö: ‹˗Gɔndë ˈö yö, ˗yö ˗kun Yesu ꞊kee˗ ˈpö!› ˈYö Piɛɛ ˗ya pö: ‹˗Abin ˗wa! ˈMaan ˗mü.› ˈYö gɔndë do ˈˈwɛɛ ˈbhaa ˗ya pö ˈzü ˗a ˗dhɛ ˗fɛfɛsü ˈka: ‹Ü kun mɛn ˈö bhë ˗a ˈˈpiʋ̈ ˈpö, ˗a zɔɔ ˗dhɛ ˈyaa ˈdhö. Galile mi ˗mü ü ˈka ˗ʒiaanwo!› ˈˈKɛɛ ˈyö Piɛɛ ˗ya pö: ‹ˈPë ˈü ˈˈwɩ ˗ni ˈgü ˗a ˈka bhë, ˈmaan˗ ˈgüman ü ˗gɔ!

˗A ˈˈtʋ̈ŋ ꞊dede bhë˗ ˈka, ˈyö ˗tɔ gɔn ˗yö ˗wɩ. ˈDhɛ ˗kë ˈˈdhʋ̈, ˈyö Piɛɛ ˗yö ˗kpan Yesu ˗bha kö ˗ya ˗ga ˗ni ˈgü ˗pinŋdhö. ˈYö˗ ˗zo ˗yö ˗buö pë ˈö Yesu ˗ya pö ˗a ˈka, ˈö yö ˈˈkpɛnŋ ˈö ˗ya ˈˈgbʋ bɔ ˗sü ˗bha ˗wëëwësü ˈka.

ˈˈTʋ̈ŋ do bhë˗ ˈgü, kö zakanmɛn ˗nu ˗wa ˈdho wo ˈkwëëdhö Kaifö ˗gɔ ˈkɔɔ kö ˈwo za dɔ Yesu ˗bha. ˗An ˗wo ˗ya ꞊mɔɔn Yesu zë ˗sü ˗bha ˈsaadhö, ˈˈkɛɛ ˗wo ˗kun pë ˈwo dho ˗gban ˗a ˗ta ꞊nën˗ mɛɛnˈˈ ˗ni ˈgü. ˈDhɛ wo ˈti˗ ˗zë ˗gɛn ꞊slɔɔ, ˈyö Kaifö ˗ya dhɛɛˈˈ ˈkpɔ ꞊vɛɛdhö ˈö˗ pö: ‹˗Zlan Gbö ˗mü ü ˈka ˗ee?› ˈYö Yesu ˗ya pö: ‹꞊Ii, ˗Zlan Gbö ˗mü n ˈka.› ˈYö Kaifö ˗ya pö: ‹Kwa ˗bhawɔn ˈyaa pë ˈˈwɛɛ ˈbhaa ˗bha, ˗ya ˗Zlan ꞊bhlëë ˗shiö!› ˈYö ˗an ꞊gban ˗wa pö: ‹˗A dua ˗mü kö ˗yö ga.› ˗Dhɛ ˈö ˗kë ˈˈdhʋ̈, ˈyö ˈwo wo ˈˈdhidhi ˗nu ˗pɛn ˗a wëëdhö, ˈwo˗ ˗gɔ man, ˈwo pë kpa ˗a wëëdhö ˈwo˗ pö: ‹˗Ya kë ꞊dhɛ ˗Zlan ˗wodhiʋ̈lomɛn ˗mü ü ˈka ꞊dedewo, mɛn ˈö ü -man bhë ˗a ˗zɔn.›

˗Dhɛ ˈö ˗dhɛ ˗yö ꞊kpaɔ, ˈyö ˈwo ˗nu Yesu ˈka zakanmɛn ˗nu ˗kuu ˈˈdhiʋ̈, ˈyö ˈwo˗ dhɛɛˈˈ kpɔ ˈzü ˈwö˗ pö: ‹˗Zlan Gbö ˗mü ü ˈka ˗ee?› ˈYö Yesu ˗ya ˗yɔ bɔ, ˈö˗ pö: ‹Yö ˈnën ˈö ka ꞊dede ˈka˗ pö ˗ni ˈgü bhë.› ˈYö ˈwo˗ pö ˗ya ˗Zlan ꞊bhlëë ꞊shiö ˈö ˈwo dho ˗a ˈka Wlɔmö ꞊kɔɔnmɛn Pɔnsö Pidhatö ˗kuu ˈˈdhiʋ̈. ˈMën ˗wɔn ˈö ˗kë mü? ˈPë ˗kë mü, ˗kwaa ˗ga.

«˗A ˈˈtʋ̈ŋ ˗yö nu ˗ni ˈgü [....] ˈö ka ˈˈpɛpɛ ˈka ˗dho n ˈto n do ˈka ˈö ˈka ˗pɛn, ˈö mɛn ˈö ˈdhö ˈö dho ö ˗gɔ ˈkɔɔ. ˈˈKɛɛ ˈmaan n do ˈka, ˗a ˗gɛn ˗mü ꞊dhɛ n Dë ˗yö n ˈˈpiʋ̈.»—Zan 16:32

Dhɛɛˈˈ ˗nu: ˗Mën ˗wɔn ˈö ˗kë Kaifö ˗gɔ ˈkɔɔdhö? ˈYö ˈmën ˗kë ˈö zakanmɛn ˗nu ˗wo ˗yö ꞊mɔɔn Yesu zë ˗sü ˗bha?

Matiö 26:31-35, 57–27:2; Makö 14:27-31, 53–15:1; Lukö 22:55-71; Zan 13:36-38; 18:15-18, 25-28

    Yacouba ˈsëëdhɛ ˗nu (2012-2025)
    Yö ˈˈkpɛɛn
    ˗Dadhɛ
    • Yaoba
    • ˗A ˗gblü
    • ˗A ˈdhɛ ˈü ˗an ˈˈpiʋ̈
    • Copyright © 2025 Watch Tower Bible and Tract Society of Pennsylvania
    • Yökëtamɛn ˗zoto ˗a ˈˈpiʋ̈ ˈtɔŋ˗
    • "Dhɛ ˗to 'wɔn ˗ta 'tɔŋ˗
    • ˈˈDhɛ ˗to ˈwɔn ˗ta ˗sü ˈˈslö ˗nu
    • JW.ORG
    • ˗Dadhɛ
    ˗A ˗gblü