ZANNOO 02

A Baabole Korɔ Teŋ Tamaa

Gane Ba Naŋ Printi

Noba naŋ be a donɛɛ lombori zaa maŋ tuoree yelkpeɛne naŋ maŋ vɛŋ ka ba poɔ sãã, ka teɛroŋ gyɛre kpɛ ba, a kyɛ lɛ vɛŋ baŋ dire woore meŋ. Ho meŋ daŋ tuoree a yelkpeɛne ŋa taa bee? Aminekaŋaŋ, baaloŋ kaŋa la vɛŋ hoŋ dire woore yaga, bee ho nɔŋna kaŋa la kpi. Lɛ na baŋ vɛŋeŋ ka ho soore ho meŋɛ ka, ‘Te dɔgɛɛ ŋa daŋ na baareŋ yɛŋ?’ A Baabole iree a soorebiri ŋa noɔre ko te.

1. Bo nendaare kaŋa tamaa la ka a Baabole korɔ te?

A Baabole wuli teŋ bon naŋso ka a donɛɛ paale neŋ yelkpeɛne, a kyɛ lɛ ko te duorisoŋ naŋ la ka, a koŋ kɔɔre te yelkpeɛne ŋa zaa koŋ lɛ bebe. A Baabole noɔre emmo ŋa na baŋ “ko teŋ nendaare kaŋa naŋ soma ane tamaa.” (Kanne Jeremaiya 29:11, 12.) A Baabole nɔɛ emmo ŋa na toɔ̃ soŋ teŋ ka te are te yelkpeɛne noɔreŋ , a soŋ te ka te taa teɛroŋ naŋ soma ane zeŋ laafeɛ tegitegilɛ.

2. Bo ka a Baabole yel a kyaare lɛ te nendaare kaŋa naŋ na waa?

A Baabole yeleeŋ ka wagre kaŋa waanaŋ ka “kũũ koŋ la bebe; konni ane kpɛlle ŋmeɛbo ane woore koŋ la bebe.” (Kanne Yel-iriwulaa 21:4.) Yɛlɛ mine naŋ maŋ vɛŋ ka zemmo e tuo yaga ko noba zenɛ ŋa la, naŋ, daŋkyagre, baaloŋ, ane kũũ. A koŋ kɔɔre a yɛlɛ ŋa zaa koŋ lɛ bebe. A Baabole eŋɛɛ noɔre ka nensaaleba na taa la zeŋ laafeɛ tegitegilɛ Paradiisi poɔŋ a teŋgane ŋa zuŋ.

3. Wala hoŋ na toɔ̃ e baŋ ka yɛlɛ na a Baabole naŋ yel na na nyɛɛ eebo?

Noba yaga maŋ kaarɛɛ soriŋ ka yelsonne e ba zemmo poɔŋ, kyɛ ba koŋ toɔ̃ baŋ peɛlaaŋ ka yɛlɛ na baŋ kaara soriŋ na na nyɛɛ eebo bee. Kyɛ, a Baabole nɔɛ emmo na zaa na nyɛ eebo. Ka teneeŋ mãã te menne a “gyieli a gaŋsoŋ” poɔ yɛlɛ soŋ, te sagediibu na maaleŋ eɛ kpeɛŋaa. (Toma 17:11) Saŋa na hoŋ zanna a Baabole na, ho na wa nyɛɛ bon naŋso hoŋ na baŋ sage yɛlɛ na a Baabole naŋ yel kyaare nendaare kaŋa na di.

ZANNE YƐLƐ YAGA POƆ

Zanne nyɛ yɛlɛ na mine a Baabole naŋ yelka a na nyɛɛ eebo nendaare kaŋa na. Ho na lɛ nyɛɛ lɛ tamaa na a Baabole naŋ korɔ te na naŋ sonnɔ noba zenɛ ŋa.

Collage: Fotori naŋ wulo yɛlɛ naŋ erɛ zenɛ ŋa ane yɛlɛ naŋ na erɛ saŋa na a Baabole noɔre emmo naŋ na wa nyɛ eebo nendaare kaŋa na. A fotori neŋ a zuŋ la be a muni zie naŋ.

4. A Baabole ko teŋ tamaa ka nendaare kaŋa te na taa la nyɔvore naŋ ba taa baaraa, ka dɔgɛɛ zaa koŋ bebe

Nyɛ a noɔre emmo mine naŋ be a Baabole poɔŋ. A bobo la pɛlɛ ho poɔ? Ka ananso la wala?

Kanne a sɛgre naŋ be a noɔre emmo lomboreŋ na, a kyɛ teɛre a soorebie ŋa yɛlɛ:

Ho teɛre ka a sɛgre ŋa korɔ boŋ tamaa bee? A sɛgre ŋa na toɔ̃ ko la ho yideme ane ho zɔmenne meŋ tamaa bee?

Teɛre nyɛ ho naŋ be donɛɛ kaŋa poɔŋ

KA NEƐZAA KOŊ . . .	NEƐZAA NA TAA LA POPEƐLOŊ, BONSO . . .
dire woore, bee a kore, bee a kpi.—Aizeeya 25:8.	te nɔŋneba naŋ kpi na leɛ iriŋ a wa zeŋ a teŋgane ŋa zuŋ.—Gyɔɔn 5:28, 29.
beɛrɛ, bee a e nembatoɔnaa.—Aizeeya 33:24; 35:5, 6.	neɛzaa na taa la laafeeloŋ naŋ soma ane baapaaloŋ faŋa.—Joob 33:25.
tuore daŋkyagre.—Aizeeya 32:16, 17.	bondirii na poreŋ, ka neɛzaa taa gaazie naŋ soma, ane tonsonne.—Yieme 72:16; Aizeeya 65:21, 22.
di dɔgɛɛ zɔɔre zuŋ.—Yieme 46:9.	neɛzaa na taa la emmaaroŋ.—Yieme 37:11.
teɛrɛ yelkorɔ mine yɛlɛ ka a beɛroo.—Aizeeya 65:17.	neɛzaa na taa la nyɔvore naŋ ba taa baaraa popeɛloŋ poɔŋ.—Yieme 37:29.

Bidɔɔlee kaŋa naŋ da beɛrɛ la te kore o ma.

Dɔɔ kaŋa naŋ da e dɔɔnyaaŋaa leɛ la bipɔlee a daara wheelbarrow naŋ pa neŋ zɛvaare.

5. A Baabole noɔre emmo na toɔ̃ ko boŋ tamaa

Ka nobaŋ wa tuoro yelkpeɛne, bee ka ba naŋ wa nyɛ noba naŋ tuoro yelkpeɛne, ba enne zaaŋ maŋ kyoɔre, saŋa kaŋa gba ba suuri maŋ iriŋ. Azuŋ ba mine maŋ mɔɔrɛɛ ba mɔɔbo zaa ka ba leɛre yɛlɛ. A Baabole eŋɛɛ noɔre ka a koŋ kɔɔre yɛlɛ na leɛreŋ, zanne nyɛ lɛ a noɔre emmo ŋa naŋ sonnɔ noba pampana. Ŋmɛ a VIDIO, a kyɛ pãã gyieli a soorebie naŋ tu na yɛlɛ.

VIDIO: N Da Boɔrɔŋ Ka N Zɔɔtoɔ̃ Daŋkyagre (4:07)

Collage: A vidio naŋ yelka ‘N Da Boɔrɔŋ Ka N Zɔɔtoɔ̃ Daŋkyagre’ na ziiri mine la. 1. Rafika ane o taa nensɔglɔ mine la a derɛ goni, saŋa na oŋ da e bipɔge bile na. 2. A dɛndɛŋ saŋa Rafika naŋ da gaa Jehoova Sieree Deme lammokpɛŋ na, o poɔ da pɛlɛɛŋ yaga saŋa na o naŋ nyɛ noba naŋ yi bale yobo poɔ naŋ wa lantaa a taa popeɛloŋ na.

A vidio poɔŋ, bo daŋkyagre la ka Rafika da tuore?
Aneazaa ka a daŋkyagre na oŋ da tuoro na da ba baare, kyɛ sobuo ka a Baabole da somoo?

Tamaa na a Baabole naŋ ko te a kyaare nendaare kaŋa na na toɔ̃ soŋ teŋ ka te are te yelkpeɛne ane te eŋkyoɔre noɔreŋ. Kanne Yeng Yelibie 17:22 ane Urom 12:12, a kyɛ gyieli a soorebie naŋ tu na yɛlɛ:

Ka hooŋ sage yɛlɛ na a Baabole naŋ yel a kyaare nendaarekaŋa na di, ho teɛre ka a na vɛŋeŋ ka ho zemmo leɛ soma bee? Ananso la wala?

NOBA MINE MAŊ YELEŊ KA: “Te koŋ toɔ̃ dɛle a noɔre emmo naŋ be a Baabole poɔŋ a kyaare nendaare kaŋa na.”

Bonso hoŋ teɛre ka a eɛ nimizeɛ ka ho zanne baŋ yelmeŋɛ naŋ be a Baabole poɔŋ a kyaare nendaare kaŋa?

A ZANNOO YELNIMIZEERE

A Baabole korɔ teŋ tamaa a kyaare nendaare kaŋa naŋ paale neŋ popeɛloŋ. A Baabole na toɔ̃ lɛ soŋ teŋ ka te are te yelkpeɛne noɔreŋ.

Bo Hoŋ Zanne

Bonso aŋ fɛre ka noba taa tamaa?
Bo ka a Baabole yel kyaare nendaare kaŋa?
Ka hooŋ taa tamaa a kyaare nendaare kaŋa, sobuo ka lɛ na toɔ̃ soŋ bo pampana?

Bebiri N naŋ baare a zannoo:

Yɛlɛ N Naŋ Na E

N na kannɛɛ a sɛgre naŋ be a zannoo ŋa poɔŋ na a baŋ noɔre emmo naŋ be a Baabole poɔŋ.

Yelzaala kaŋa N naŋ na e:

Your other goal

YƐLƐ MINE NAŊ LƐ BEBE

Zanne yɛlɛ yaga a kyaare lɛ na tamaa naŋ na toɔ̃ soŋ bo saŋa na hoŋ wa tuoro yelkpeɛne na.

“Yeŋ Hoŋ Na Toɔ̃ Nyɛ Tamaa?” (Awake!, April 22, 2004)

Nyɛ lɛ nendaare kaŋa tamaa naŋ toɔ̃ soŋ noba mine naŋ taa baaloŋ naŋ ba gɛrɛ.

“Ka Hooŋ Wa Taa Baaloŋ Naŋ Ba Gɛrɛ—A Baabole Na Toɔ̃ Soŋ Boŋ Bee?” (Intanɛt zu gane)

Ka hooŋ wa kaara a yiele vidio ŋa, ŋmaa foto ho teɛroŋ poɔŋ a nyɛ lɛ ho neŋ ho yideme naŋ taa popeɛloŋ a Paradiisi na Baabole naŋ eŋ noɔre kyaare nendaare kaŋa na yɛlɛ.

Leɛteɛre Paradiisi Yɛlɛ 3:37

Kanne nyɛ lɛ neɛ kaŋa naŋ da zɔɔrɔ ka o vɛŋ ka nensaaleba zemmo leɛ soma, kyɛ ka o teɛroŋ leɛre saŋa na oŋ zanne baŋ tamaa naŋ be a Baabole poɔŋ a kyaare nendaare kaŋa yɛlɛ na.

“N Ba Lɛ Teɛre Ka Maaŋ La Seŋ Ka N Leɛre A Donɛɛ” (A Watchtower, July 1, 2013)