Yɛlɛ Naŋ Na Baŋ Soŋ Bo Ho Zannoo Poɔŋ

Zanne Jehoova Gyogri Yɛlɛ Gaa Tɔɔre

Ka teneeŋ wa kanna a Baabole, te na baŋ peɛrɛɛ yɛlɛ a gaa tɔɔre a kyaare yɛlɛ na te naŋ kanna na. Kyɛ te ba maŋ zanna ka te baŋ a yɛlɛ yoŋ. Te maŋ boɔrɔŋ ka te zanne baŋ Jehoova soŋ zaa ka lɛ vɛŋ ka te maaleŋ nɔmoo yaga. Ka teneeŋ na toɔ̃ e lɛ aseŋ ka te soore te menne ka, ‘Boŋ ka a sɛgre ŋa wulo ma a kyaare Jehoova?’

Aŋa mannoo poɔŋ, te na baŋ peɛre nyɛɛ lɛ Jehoova naŋ wuli nɔmmo, yɛŋ, dantorii, ane kpeɛ̃o. Kyɛ Jehoova naŋ taa la gyog-sonne yaga hoŋ na baŋ zanne a yɛlɛ. Yeŋ hoŋ na baŋ zanne o gyogri ŋa yɛlɛ yi?

Ho na baŋ peɛrɛɛ o gyogri 50 yɛlɛ naŋ be Watch Tower Publications Index poɔŋ ka hooŋ bɔ a yelzu ŋa, “Jehoova” a kaa bɔ yelzu bile “Qualities by Name.” Peɛre ana naŋ kyaare Baabole sɛgre na ho naŋ kanna na. (Ka Research Guide for Jehovah’s Witnesses yoŋ la hoŋ taa, ho na baŋ bɔ la a yelzu ŋa, “Jehovah God” a kaa bɔ a yelzu bile ŋa, “Jehovah’s Qualities.”)