Maŋ Moɔrɔ Ka Ho Manne Yɛlɛ Na Hoŋ Zanne Na Ko Ho Taaba

Ka teneeŋ zanna boma, a na toɔ̃ ko teŋ pɛnnoo, kyɛ te na maaleŋ nyɛɛ pɛnnoo yaga ka teneeŋ manne yelsonne mine teŋ zanne yi a Baabole poɔŋ ko te taaba. Yeng Yelibie 11:25 yeleeŋ ka: ‘Neɛ naŋ korɔ noba koɔ̃, ba na ko la o meŋ koɔ̃.’

Ka teneeŋ manne yɛlɛ na teŋ zanne na ko te taaba, a maŋ eɛ mɔlɔ ka te leɛteɛre a yɛlɛ, a lɛ vɛŋ teŋ woŋ a yɛlɛ muni meŋ soŋ. Te maŋ taaɛ popeɛloŋ bonso, te baŋɛɛŋ ka yɛlɛ na teŋ manne ko o soba na na baŋ somooŋ.​—Tom. 20:35.

E ŋaaŋ nyɛ: Daa naŋ waana na poɔŋ, ho na baŋ bɔɛ vuo a manne yɛlɛ hoŋ zanne ko neɛ kaŋa. Ho na baŋ mannɛɛ a yɛlɛ ko ho booree neɛ kaŋa, neɛ kaŋa naŋ be ho lantaapuoruu poɔŋ, ho tontontɔ, sakuubitɔ, neɛ kaŋa naŋ kpeɛrɛ peɛle bo, kyɛbee neɛ kaŋa hoŋ pɔge a naaŋ moɔloo poɔŋ. De ho meŋɛ yelbie a manne neŋ a yɛlɛ ka a pɛle, ka a e mɔlɔ meŋ ka o woŋ a muni.

Yɛlɛ naŋ seŋ ka ho baŋ: Manne a yɛlɛ a de eŋ o soba faŋa, ta erɛ ho yɛlɛ aŋa ho boɔrɔŋ ka ho wuli o soba ka ho meŋ baŋɛɛŋ.​—1 Kor. 8:1.