Moɔle A Duorisoŋ Ka A Koŋ Kɔɔre Kyɛ Ka A Dompaalaa Wa!

November kyuu poɔŋ, te na moɔlɛɛ a duorisoŋ naŋ la ka a koŋ kɔɔre kyɛ ka a dompaalaa wa. (Ym 37:10, 11; Yel 21:3-5) Sɛgre ho yɛlɛ soŋ ka lɛ vɛŋ ka ho toɔ̃ de ho meŋɛ zaa eŋ a toma ŋa poɔŋ. Ka hooŋ fiili fɔɔm ka ho na toŋ la a auxiliary paaneɛ toma a November kyuu poɔŋ, ho na toɔ̃ de la aware lezare neŋ pie bee lezaayi neŋ pie waneŋ.

Kaa iri sɛgre kaŋa naŋ kyaare a dompaalaa yɛlɛ, a nare ka ho manne o yɛlɛ ko noba. Ka hooŋ wa boɔrɔ sɛgre hoŋ na de toŋ toma, kaa bɔ sɛgre naŋ na toɔ̃ tɔ noba naŋ be ho gbandige na sukyie. Ka neɛ kaŋa poɔŋ pɛle neŋ ho yɛlɛ na a piilee dama diibu saŋa, ho na toɔ̃ de la A Watchtower No. 2 2021 na ko o soba. Ho na toɔ̃ leɛ gaa la o zie wieoŋ a te mɔɔ ka ho ne o piili zanna a Nyɛ Zeŋ Laafeɛ Tegitegilɛ! gambile na. Nyɛ lɛ a naŋ e popɛle yaga zaa ka te moɔlɔ a “yelsonne popɛle duoro” na!​—Ai 52:7.

KAA A YIELE YOBO VIDIO ŊA, THE NEW WORLD TO COME, KYƐ PÃÃ IRI A SOOREBIE ŊA NƆƐ:

• Bo nendaare kaŋa naŋ soma yaga zaa la ka a bipɔgelee na zeŋ teɛrɛ o zuŋ?

• Bo yɛlɛ meŋɛ la hoŋ kaara soriŋ ka a nyɛ eebo a dompaalaa poɔŋ?

• Ka hooŋ teɛrɛ ho nendaare kaŋa teɛretɔ na yɛlɛ soŋ, sobuo ka lɛ na eŋ bo faŋa ka ho de ho meŋɛ zaa eŋ a November kyuu naaŋ moɔloo toma na poɔŋ?​—Lk 6:45