Ho De La A Baabole Odio Rekɔɔdin Na Tonɔ Neŋ Toma?

Bo la a Baabole odio rekɔɔdin na? O na la a New World Translation ba naŋ vɛŋ ka noba kanne baŋ rekɔɔde na. Ba de la a rekɔɔdin ŋa mine eŋnɛ a Baabole poɔŋ fẽẽfẽẽ kɔkɔɛ yaga poɔŋ. Yel na kaŋa naŋ vɛŋ ka a Baabole odio ŋa soma la ka, neɛzaa naŋ yel yɛlɛ a Baabole poɔŋ, ba maŋ kaa iree neɛ kaŋa oŋ kanne o yɛlɛ na. Azuŋ, neŋyeni naaneŋ kanne a yɛlɛ zaa. Ba naŋ boɔrɔ ka te baŋ lɛ yɛlɛ naŋ sereŋ da e saŋa na baŋ sɛgrɛ a Baabole na zuŋ, ba maŋ kannɛɛ a yɛlɛ a wuli lɛ yɛlɛ naŋ da dɔɔnɔ a noba kyɛbee lɛ ba naŋ da taa popeɛloŋ a seŋ.

Bo tɔnɔ ka noba mine nyɛrɛ yire a Baabole odio ŋa poɔŋ? Noba yaga naŋ kyɛllɛ a odio rekɔɔdin wagre zaa wa nyɛɛŋ ka a maŋ soŋ baŋ baŋ nyɛ ka yɛlɛ naŋ be a Baabole poɔŋ na sereŋ da eɛŋ. Ka ba naŋ wa woŋ neŋyobo kɔkɔɛ a kannoo poɔŋ, a maŋ soŋ baŋ baŋ ŋmaa yɛlɛ na baŋ kanna na foto ba teɛroŋ poɔŋ, a kyɛ woŋ a Baabole muni meŋ soŋ. (Ye 4:5) Ka noba mine meŋ wa tuoro yelkpeɛne a kyɛllɛ a Baabole odio, a maŋ toɔ̃ dii la ba sukyie.​—Ym 94:19.

Ka teneeŋ maŋ kyɛllɛ wono Naaŋmen Yelbiri na kannoo, a na toɔ̃ soŋ teŋ yaga zaa. (2Tu 34:19-21) Ka a Baabole odioŋ be kɔkɔre kaŋa ho naŋ wono poɔŋ, ho na baŋ sɛgrɛɛ yɛlɛ ho zemmo poɔŋ a maŋ kyɛllɛ wono o kannoo bee?

KAA A VIDIO ŊA, SORI BA NAŊ TU KYƐ MAALE A BAABOLE ODIO​—VIDIO KYƐLEE, KYƐ PÃÃ IRI A SOOREBIRI ŊA NOƆRE:

Bo yɛlɛŋ tɔ ho sukyiri yaga zaa a kyaare sori na ba naŋ tu kyɛ maale a Baabole odio na?