YƐLƐ NAŊ NA BAŊ SOŊ BO HO ZANNOO POƆŊ

Yɛlɛ Naŋ Na Baŋ Soŋ Bo Ka Ho Maŋ Kanna A Baabole Bebiri Zaa

Te maŋ taaɛ yɛlɛ yaga ka te e bebiri zaa, azuŋ a maŋ eɛ kpeɛŋaa ko bo ka ho kanne a Baabole bebiri zaa bee? (Joos. 1:8) Ka lɛ wa la, ho na baŋ eɛ a yɛlɛ ama:

• Maŋ vɛŋ ka bonkaŋa teɛre bo. Ho na baŋ vɛŋeŋ ka ho fone alaam maŋ teɛre bo ka wagre taɛŋ ka ho kanne a Baabole.

• De ho Baabole na biŋ zie kaŋa hoŋ na nyɛroo. Ka hooŋ maŋ kanna a yɛlɛ yire a Baabole na ba naŋ printi na poɔŋ, ho na baŋ de oŋ biŋ zie hoŋ na baŋ nyɛroo bebiri zaa.—Dut. 11:18.

• Maŋ kyɛllɛ a odio rekɔɔdin. Saŋa na hoŋ tonɔ ho toma na, ho na baŋ kyɛllaaŋ. Tara eɛ paaneɛ, a lɛ e bi-ma naŋ maŋ tonɔ toma zimaanee saŋa. O yeleeŋ ka: “Ka maaŋ wa tonɔ yiri toma a kyɛ kyɛllɛ a Baabole ba naŋ rekɔɔde na, a maŋ soŋ maŋ maŋ toɔ̃ kanna a Baabole bebiri zaa.”

• Ta vɛŋ ka ho eŋɛ kyoɔre. Ka yɛlɛ mineŋ vɛŋ ka a e kpeɛŋaa ko bo ka ho kanne a Baabole bebiri kaŋa, sɛre hoŋ na gaŋ gbiri na, mɔɔ a kanne a Baabole zie kaŋa fẽẽ lɛ. Lɛ eebo na soŋ boŋ yaga zaa.—1 Pit. 2:2.